ടൊറന്റോ: വരാനിരിക്കുന്ന 2026 ഫിഫ ലോകകപ്പിനുള്ള ഇരുപത്തിയാറംഗ ടീമിനെ സഹ-ആതിഥേയരായ കാനഡ പ്രഖ്യാപിച്ചു. കടുത്ത പരിക്കിന്റെ പിടിയിലാണെങ്കിലും ടീമിന്റെ സൂപ്പർ താരം അൽഫോൻസോ ഡേവിസിനെ ടീമിൽ ഉൾപ്പെടുത്തിയിട്ടുണ്ട് എന്നതാണ് പ്രഖ്യാപനത്തിലെ ഏറ്റവും ശ്രദ്ധേയമായ കാര്യം (Alphonso Davies Canada World Cup Squad). ബയേൺ മ്യൂണിക്കിന്റെ പ്രതിരോധ താരമായ ഡേവിസിന് ചാമ്പ്യൻസ് ലീഗ് മത്സരത്തിനിടെയാണ് ഹാംസ്ട്രിങ് ഇഞ്ചുറി ഏറ്റത്. പരിക്കിൽ നിന്നും താരം ഇനിയും പൂർണ്ണ മുക്തി നേടിയിട്ടില്ലാത്തതിനാൽ ജൂൺ 13-ന് ബോസ്നിയ ആൻഡ് ഹെർസഗോവിനയ്ക്കെതിരെ നടക്കുന്ന കാനഡയുടെ ആദ്യ ഗ്രൂപ്പ് മത്സരത്തിൽ ഡേവിസ് കളിക്കാൻ സാധ്യത കുറവാണെന്നാണ് റിപ്പോർട്ടുകൾ സൂചിപ്പിക്കുന്നത്. എങ്കിലും ടൂർണമെന്റിന്റെ അടുത്ത ഘട്ടങ്ങളിലേക്ക് താരം പൂർണ്ണ ഫിറ്റ്നസ് വീണ്ടെടുക്കുമെന്ന പ്രതീക്ഷയിലാണ് മുഖ്യ പരിശീലകൻ ജെസ്സി മാർഷ് ഡേവിസിനെ ടീമിലേക്ക് തിരഞ്ഞെടുത്തത്. നിലവിലെ കാനഡ ടീമിലെ ഏക ജർമ്മൻ ബുണ്ടസ്ലിഗ പ്രതിനിധി കൂടിയാണ് ഈ ഇരുപത്തഞ്ചുകാരൻ.
കാനഡയുടെ ഫുട്ബോൾ ചരിത്രത്തിലെ ഏറ്റവും ശക്തമായ നിരയാണ് ഇതെന്നാണ് സ്ക്വാഡ് പ്രഖ്യാപിച്ചുകൊണ്ട് കോച്ച് ജെസ്സി മാർഷ് അവകാശപ്പെട്ടത്. ജോനാഥൻ ഡേവിഡ്, സൈൽ ലാറിൻ തുടങ്ങിയ പരിചയസമ്പന്നരായ മുന്നേറ്റനിര താരങ്ങളും കഴിഞ്ഞ രണ്ട് വർഷത്തിനിടെ ടീമിലെത്തിയ പ്രോമിസ് ഡേവിഡ്, അൽഫി ജോൺസ് തുടങ്ങിയ യുവ പ്രതിഭകളും അടങ്ങുന്നതാണ് പുതിയ സ്ക്വാഡ്. മാക്സിം ക്രെപ്യൂ, ഡെയ്ൻ സെന്റ് ക്ലെയർ എന്നിവരാണ് ഗോൾകീപ്പിംഗ് സ്ഥാനത്തിനായി പ്രധാനമായും മത്സരിക്കുന്നത്. ഗ്രൂപ്പ് ബിയിൽ ബോസ്നിയയെ കൂടാതെ സ്വിറ്റ്സർലൻഡ്, ഖത്തർ എന്നിവരാണ് കാനഡയുടെ മറ്റ് എതിരാളികൾ. സ്വന്തം നാട്ടിൽ നടക്കുന്ന ലോകകപ്പിൽ ആദ്യ മത്സരങ്ങളിൽ ക്യാപ്റ്റൻ കൂടിയായ ഡേവിസിന്റെ അസാന്നിധ്യം കാനഡയ്ക്ക് വലിയ വെല്ലുവിളിയാണെങ്കിലും, താരത്തിന്റെ റീഹാബിലിറ്റേഷൻ പ്രക്രിയകൾ മികച്ച രീതിയിലാണ് മുന്നോട്ട് പോകുന്നതെന്ന് ടീം മാനേജ്മെന്റ് വ്യക്തമാക്കി.
Summary: Co-hosts Canada have announced their official 26-man squad for the 2026 FIFA World Cup, headlines by Bayern Munich star Alphonso Davies despite an ongoing hamstring injury. Head coach Jesse Marsch expressed optimism about the captain’s recovery progress, though Davies is highly likely to miss the opening Group B match against Bosnia and Herzegovina on June 13. The balanced roster features experienced forwards like Jonathan David alongside several newly recruited dual nationals to form what Marsch calls one of the nation’s strongest ever squads.
