ആലപ്പുഴ: പള്ളിപ്പാട് വഴുതാനത്ത് പാടശേഖരത്തിൽ മരുന്ന് തളിക്കാനായി എത്തിച്ച കൂറ്റൻ ഡ്രോൺ പോലീസ് പിടിച്ചെടുത്തു. സുരക്ഷാ കാരണങ്ങളാൽ ഇന്ത്യയിൽ നിരോധിക്കപ്പെട്ട ചൈനീസ് നിർമ്മിത ഡ്രോൺ ആണെന്ന് കണ്ടെത്തിയതിനെത്തുടർന്ന് കസ്റ്റംസ് ഉദ്യോഗസ്ഥർ സ്ഥലത്തെത്തി ഇത് കസ്റ്റഡിയിലെടുത്തു. (Chinese-made banned drone seized in Alappuzha )
കോട്ടയം സ്വദേശിയുടെ ഉടമസ്ഥതയിലുള്ളതാണ് 20 കിലോയിലധികം ഭാരമുള്ള ഈ ഡ്രോൺ. മതിയായ രേഖകൾ ഉടമയുടെ പക്കൽ ഉണ്ടായിരുന്നില്ല. ചൈനീസ് നിർമ്മിത ഡ്രോൺ ആയതിനാലും സുരക്ഷാ കാരണങ്ങളാൽ ഇന്ത്യയിൽ ഇത്തരം ഡ്രോണുകൾക്ക് നിരോധനമുള്ളതിനാലും നടപടി കർശനമാക്കി.
