ലണ്ടൻ: ഇറാന്റെ ഔദ്യോഗിക സൈനിക വിഭാഗത്തിന്റെ ഭാഗമായ ഇസ്ലാമിക് റവല്യൂഷണറി ഗാര്ഡ് കോര്പ്സിനെ ഭീകര സംഘടനയായി പ്രഖ്യാപിച്ച് ബ്രിട്ടന് (UK Bans Iran Islamic Revolutionary Guard Corps Terrorist Organisation). യുകെ യുടെ ദേശീയ സുരക്ഷയ്ക്കും താല്പര്യങ്ങൾക്കും അതീവ ഭീഷണിയാകുന്ന തരത്തിലുള്ള വിദേശ അട്ടിമറി പ്രവർത്തനങ്ങളിൽ ഐആർജിസി നേരിട്ട് ഏർപ്പെട്ടിരിക്കുന്നതിന്റെ കൃത്യമായ തെളിവുകൾ ലഭിച്ചതിനെ തുടർന്നാണ് ബ്രിട്ടന്റെ ചരിത്രപരമായ ഈ പുതിയ നീക്കം. കഴിഞ്ഞ ആഴ്ച മാത്രം നിയമമായ ‘നാഷണൽ സെക്യൂരിറ്റി (സ്റ്റേറ്റ് ത്രെറ്റ്സ്) ആക്ട് 2026’ പ്രകാരമുള്ള പ്രത്യേക അധികാരം ഉപയോഗിച്ചാണ് ബ്രിട്ടീഷ് ആഭ്യന്തര സെക്രട്ടറി ഷബാന മഹ്മൂദ് ഈ ഔദ്യോഗിക പ്രഖ്യാപനം നടത്തിയത്. ഇതോടെ ബ്രിട്ടന്റെ മണ്ണിൽ ഐആർജിസി എന്ന സംഘടനയ്ക്ക് ഏതെങ്കിലും തരത്തിലുള്ള പിന്തുണ പ്രഖ്യാപിക്കുന്നതും അവർക്കായി പ്രവർത്തിക്കുന്നതും 14 വർഷം വരെ തടവ് ശിക്ഷ ലഭിക്കാവുന്ന ഗുരുതരമായ ക്രിമിനൽ കുറ്റമായി മാറും.
ഐആർജിസിക്ക് പുറമെ ബ്രിട്ടനിലെ ജൂത സമൂഹങ്ങൾക്കെതിരായ ആക്രമണങ്ങളുമായി നേരിട്ട് ബന്ധമുള്ള ‘ഇസ്ലാമിക് മൂവ്മെന്റ് ഓഫ് ദി കംപാനിയൻസ് ഓഫ് ദി റൈറ്റ്’ (IMCR), റഷ്യൻ സൈനിക ഇന്റലിജൻസുമായി (GRU) ചേർന്ന് പ്രവർത്തിക്കുന്ന ‘റഷ്യൻ ഫെഡറേഷൻ വോളണ്ടിയർ കോർ’ എന്നീ സായുധ സംഘടനകളെയും ഭീകര സംഘടനകളുടെ പട്ടികയിൽ ഉൾപ്പെടുത്തി നിരോധിച്ചിട്ടുണ്ടെന്ന് ആഭ്യന്തര സെക്രട്ടറി വ്യക്തമാക്കി.
രഹസ്യാന്വേഷണത്തിന് പ്രത്യേക ഏജൻസി; ജൂത കേന്ദ്രങ്ങൾക്ക് നേരെ ആക്രമണം
ഭീകരസംഘടനയായി ബ്രിട്ടൻ പ്രഖ്യാപിച്ചിരിക്കുന്ന ഈ വിദേശ സംഘടനകളുമായി ബന്ധപ്പെട്ട ചാരവൃത്തി, ജനാധിപത്യ പ്രക്രിയകളിലെ വിദേശ ഇടപെടലുകൾ, അട്ടിമറി ശ്രമങ്ങൾ, വധശ്രമങ്ങൾ തുടങ്ങിയവ കർശനമായി പ്രതിരോധിക്കാൻ ബ്രിട്ടീഷ് പോലീസിനുള്ളിലും രഹസ്യാന്വേഷണ ഏജൻസികളിലും വലിയ മാറ്റങ്ങൾ വരുത്തും. ഈ ഗ്രൂപ്പുകൾക്കായി ചാരവൃത്തി നടത്തുന്നവരെ വിചാരണ ചെയ്യാൻ ഇനിമുതൽ വിദേശബന്ധം തെളിയിക്കേണ്ട ആവശ്യമില്ലാത്ത വിധം ശക്തമായ നിയമനടപടികളാണ് പുതിയ ബില്ലിലൂടെ പ്രാബല്യത്തിൽ വരുന്നത്.
Story Summary: The United Kingdom has officially designated Iran’s Islamic Revolutionary Guard Corps (IRGC) as a terrorist organization under the newly enacted National Security (State Threats) Act 2026. Home Secretary Shabana Mahmood announced the ban, stating that the IRGC poses a direct threat to the UK’s national security through espionage, sabotage, and proxy violence. Alongside the IRGC, the UK banned the Iran-linked Islamic Movement of the Companions of the Right (IMCR)—responsible for seven antisemitic attacks in London, including the Golders Green ambulance arson in March—and Russia’s GRU Volunteer Corps. Prime Minister Keir Starmer emphasized that the new law makes supporting these designated foreign entities a criminal offense carrying up to 14 years in prison.
