ന്യൂഡൽഹി: അരുൺ ജെയ്റ്റ്ലി സ്റ്റേഡിയത്തിൽ നടക്കുന്ന ഐസിസി ടി20 ലോകകപ്പ് പോരാട്ടത്തിൽ നമീബിയക്കെതിരെ ഇന്ത്യ ബാറ്റിംഗിനിറങ്ങുന്നു (India vs Namibia T20 World Cup 2026). ടോസ് ഭാഗ്യം തുണച്ച നമീബിയൻ നായകൻ ഇന്ത്യയെ ബാറ്റിംഗിന് അയക്കുകയായിരുന്നു. ടീമിൽ രണ്ട് നിർണ്ണായക മാറ്റങ്ങളുമായാണ് ഇന്ത്യ ഇന്ന് കളത്തിലിറങ്ങുന്നത്.
ഇന്ത്യൻ ടീമിലെ മാറ്റങ്ങൾ:
ഓപ്പണർ അഭിഷേക് ശർമ്മയ്ക്ക് പകരമാണ് സഞ്ജു സാംസൺ പ്ലെയിംഗ് ഇലവനിൽ എത്തിയത്. ലോകകപ്പ് വേദിയിൽ സഞ്ജുവിന് ലഭിക്കുന്ന ഈ അവസരത്തെ ഏറെ പ്രതീക്ഷയോടെയാണ് ആരാധകർ നോക്കിക്കാണുന്നത്. പേസ് നിരയ്ക്ക് കരുത്തുകൂട്ടാൻ മുഹമ്മദ് സിറാജിന് പകരം ജസ്പ്രീത് ബുംറ ടീമിൽ തിരിച്ചെത്തി.
നമീബിയൻ നിരയിലും രണ്ട് മാറ്റങ്ങളുണ്ട്. ഡൽഹിയിലെ പിച്ച് ബാറ്റിംഗിനെ തുണയ്ക്കുന്നതാണെങ്കിലും ആദ്യ ഓവറുകളിലെ ഈർപ്പം മുതലെടുക്കാനാണ് നമീബിയയുടെ നീക്കം.
