ചെന്നൈ: തമിഴ്നാട് നിയമസഭാ തിരഞ്ഞെടുപ്പിൽ ആവേശകരമായ പോളിംഗ് തുടരുന്നു (Tamil Nadu Election 2026). വോട്ടെടുപ്പ് ആരംഭിച്ച് ആദ്യ നാല് മണിക്കൂർ പിന്നിടുമ്പോൾ സംസ്ഥാനത്ത് മികച്ച പോളിംഗാണ് രേഖപ്പെടുത്തുന്നത്. രാവിലെ 11 മണി വരെയുള്ള കണക്കുകൾ പ്രകാരം സംസ്ഥാനത്ത് ശരാശരി 37.56 ശതമാനം വോട്ടർമാർ തങ്ങളുടെ സമ്മതിദാനാവകാശം വിനിയോഗിച്ചതായി തിരഞ്ഞെടുപ്പ് കമ്മീഷൻ അറിയിച്ചു.
രാവിലെ 7 മണിക്ക് വോട്ടെടുപ്പ് ആരംഭിച്ചത് മുതൽ പല ബൂത്തുകളിലും വോട്ടർമാരുടെ നീണ്ട നിരയാണ് കാണാൻ സാധിക്കുന്നത്. ഗ്രാമീണ മേഖലകളിൽ നഗരങ്ങളെ അപേക്ഷിച്ച് ഉയർന്ന പോളിംഗ് ശതമാനം രേഖപ്പെടുത്തുന്നുണ്ട്. കനത്ത സുരക്ഷാ ക്രമീകരണങ്ങൾക്കിടയിലാണ് വോട്ടെടുപ്പ് പുരോഗമിക്കുന്നത്. പ്രമുഖ രാഷ്ട്രീയ നേതാക്കളും സിനിമാ താരങ്ങളും രാവിലെ തന്നെ പോളിംഗ് ബൂത്തുകളിലെത്തി വോട്ട് രേഖപ്പെടുത്തി.
ഉച്ചയ്ക്ക് ശേഷവും വോട്ടിംഗ് ശതമാനം ഉയരുമെന്നാണ് പ്രതീക്ഷിക്കുന്നത്. വൈകുന്നേരം വരെ നീളുന്ന വോട്ടെടുപ്പിൽ പോളിംഗ് റെക്കോർഡ് നിലയിലേക്ക് എത്തുമോ എന്നാണ് രാഷ്ട്രീയ നിരീക്ഷകർ ഉറ്റുനോക്കുന്നത്. തമിഴ്നാടിനൊപ്പം പുതുച്ചേരിയിലും വോട്ടെടുപ്പ് സമാധാനപരമായി നടക്കുന്നുണ്ട്.
Story Summary: Tamil Nadu witnessed a steady voter turnout in the ongoing Assembly elections, recording 37.56% polling until 11 AM. Long queues were seen across the state as citizens and celebrities cast their votes under tight security.
