മയക്കുമരുന്ന് കടത്ത്, നർക്കോട്ടിക് ടെററിസം തുടങ്ങിയ കുറ്റങ്ങൾ ചുമത്തപ്പെട്ട് യു.എസിൽ വിചാരണ നേരിടുന്ന വെനസ്വേലൻ മുൻ പ്രസിഡന്റ് നിക്കോളാസ് മഡുറോയും ഭാര്യ സിലിയ ഫ്ലോറസും വീണ്ടും കോടതിയിൽ ഹാജരായി ( Nicolas Maduro Back In US Court). മാൻഹട്ടൻ ഫെഡറൽ കോടതിയിൽ ജഡ്ജി ആൽവിൻ ഹെല്ലർസ്റ്റൈന്റെ മുൻപാകെയാണ് കേസിന്റെ തുടർ നടപടികൾക്കായുള്ള വാദം കേൾക്കൽ നടന്നത്. 2027 ജൂണിൽ വിചാരണ ആരംഭിക്കുന്നത് സംബന്ധിച്ച് പ്രോസിക്യൂഷനും പ്രതിഭാഗവും കോടതിയിൽ നിർദ്ദേശങ്ങൾ സമർപ്പിച്ചു.
കഴിഞ്ഞ ജനുവരിയിൽ കാരക്കാസിലെ അദ്ദേഹത്തിന്റെ ഔദ്യോഗിക വസതിയിൽ വെച്ച് യു.എസ്. സ്പെഷ്യൽ ഫോഴ്സ് നടത്തിയ രഹസ്യ ഓപ്പറേഷനിലൂടെയാണ് മഡുറോയെ പിടികൂടി ന്യൂയോർക്കിലേക്ക് കൊണ്ടുപോയത്. തനിക്കെതിരായ കുറ്റങ്ങൾ മഡുറോ നിഷേധിച്ചിരുന്നു. ഒരു പരമാധികാര രാജ്യത്തിന്റെ ഭരണാധികാരിയെന്ന നിലയിൽ തനിക്ക് നിയമപരമായ പരിരക്ഷ ഉണ്ടെന്നും, തന്റെ അറസ്റ്റ് നിയമവിരുദ്ധമാണെന്നും ചൂണ്ടിക്കാട്ടി പ്രതിഭാഗം സെപ്റ്റംബർ രണ്ടിനകം കേസ് തള്ളിക്കളയണമെന്നാവശ്യപ്പെട്ട് ഹർജി നൽകിയേക്കും. മഡുറോയുടെ പുറത്താക്കലിന് ശേഷം ഡെൽസി റോഡ്രിഗസിന്റെ നേതൃത്വത്തിലുള്ള പുതിയ ഭരണകൂടവുമായി യു.എസ്. ഭരണകൂടം സൗഹൃദപരമായ നയങ്ങളാണ് സ്വീകരിച്ചുവരുന്നത്.
Summary: Ousted Venezuelan President Nicolás Maduro and his wife Cilia Flores appeared in a Manhattan federal court for a scheduling hearing regarding their high-profile drug trafficking case, with both sides proposing a potential trial start date in June 2027 while defense lawyers prepare to challenge the indictment on head-of-state immunity grounds.
