ഇച്ചിക്കാവ: സോഷ്യൽ മീഡിയയിൽ തരംഗമായ ‘പഞ്ച്’ എന്ന കുരങ്ങുക്കുട്ടിയുടെ വീഡിയോയെക്കുറിച്ച് വിശദീകരണവുമായി ജപ്പാനിലെ ഇച്ചിക്കാവ സിറ്റി സൂഓളജിക്കൽ ആൻഡ് ബൊട്ടാണിക്കൽ ഗാർഡൻ (Japanese Zoo Responds To Viral Video Punch Monkey). അമ്മ ഉപേക്ഷിച്ചതിനെത്തുടർന്ന് ഒറ്റപ്പെട്ടുപോയ പഞ്ച് എന്ന കുരങ്ങുക്കുട്ടി ഒരു കളിപ്പാട്ടത്തെ (സ്റ്റഫ്ഡ് ഒറാങ്ങ്ഉട്ടാൻ) സ്വന്തം അമ്മയെപ്പോലെ കൂടെ കൊണ്ടുനടക്കുന്ന ദൃശ്യങ്ങൾ ദശലക്ഷക്കണക്കിന് ആളുകളുടെ കണ്ണുനിറച്ചിരുന്നു.
2025 ജൂലൈയിൽ ജനിച്ച പഞ്ചിനെ അമ്മ ഉപേക്ഷിച്ചതോടെ മൃഗശാല അധികൃതരാണ് അവനെ പരിപാലിച്ചത്. മറ്റ് കുരങ്ങുകളുടെ കൂട്ടത്തിലേക്ക് അവനെ ലയിപ്പിക്കാനുള്ള ശ്രമങ്ങൾക്കിടെ, മറ്റൊരു കുരങ്ങുക്കുട്ടിയുമായി അടുക്കാൻ ശ്രമിച്ച പഞ്ചിനെ ഒരു മുതിർന്ന കുരങ്ങ് ദേഷ്യപ്പെടുകയും വലിച്ചിഴയ്ക്കുകയും ചെയ്യുന്ന വീഡിയോയാണ് വൈറലായത്. ഇതിനുശേഷം പഞ്ച് ഓടിവന്ന് തന്റെ കളിപ്പാട്ടത്തെ കെട്ടിപ്പിടിക്കുന്നത് കാണാമായിരുന്നു. എന്നാൽ ഇത് മറ്റ് കുരങ്ങുകളുമായി ഇടപഴകാൻ പഞ്ച് പഠിക്കുന്നതിന്റെ ഭാഗമാണെന്നും അവനോട് ആരും കടുത്ത ആക്രമണം കാട്ടിയിട്ടില്ലെന്നും മൃഗശാല അധികൃതർ വ്യക്തമാക്കി.
#市川市動植物園 #市川ファン #がんばれパンチ pic.twitter.com/lBZiKwYFOo
— 市川市動植物園（公式） (@ichikawa_zoo) February 20, 2026
പഞ്ചിന്റെ ഈ പ്രതിരോധശേഷിയെയും മാനസിക കരുത്തിനെയും പിന്തുണയ്ക്കണമെന്നും അവനോട് സഹതാപം കാണിക്കേണ്ടതില്ലെന്നുമാണ് അധികൃതർ പറയുന്നത്. വീഡിയോ കണ്ട പലരും മറ്റ് കുരങ്ങുകൾ അവനെ ഉപദ്രവിക്കുകയാണെന്ന് കരുതി ആശങ്ക പ്രകടിപ്പിച്ചിരുന്നു. എന്നാൽ ഓരോ തവണയും ശിക്ഷിക്കപ്പെടുമ്പോൾ കളിപ്പാട്ടത്തിനടുത്തേക്ക് ഓടിപ്പോകുന്ന പഞ്ച്, അൽപ്പനേരത്തിന് ശേഷം അത് ഉപേക്ഷിച്ച് വീണ്ടും മറ്റ് കുരങ്ങുകളുമായി കൂട്ടുകൂടാൻ ശ്രമിക്കാറുണ്ട്. പഞ്ചിനെ ഒരു സ്വതന്ത്ര കുരങ്ങായി വളർത്താനുള്ള ശ്രമങ്ങൾ തുടരുകയാണെന്നും അധികൃതർ കൂട്ടിച്ചേർത്തു.
Summary: A baby monkey named Punch-kun has gone viral for his bond with a stuffed orangutan toy after being abandoned by his mother.
