ന്യൂയോർക്ക്: കുടുംബത്തോടൊപ്പം അവധിക്കാലം ആഘോഷിക്കാനെത്തിയ പതിനെട്ടുകാരനായ ഇന്ത്യൻ വിനോദസഞ്ചാരി ന്യൂയോർക്കിലെ സെൻട്രൽ പാർക്കിൽ കുതിരവണ്ടി മറിഞ്ഞുണ്ടായ അപകടത്തിൽ മരിച്ചു. റോമാഞ്ച് മഹാജൻ എന്ന യുവാവാണ് മരിച്ചത്. മാതാപിതാക്കൾക്കും അനുജനുമൊപ്പം അമേരിക്ക സന്ദർശിക്കാനെത്തിയതായിരുന്നു റോമാഞ്ച്.(Indian Teenager Killed In Horse-Drawn Carriage Accident At Central Park)
ബുധനാഴ്ച ഉച്ചയ്ക്ക് 2:47-ഓടെയാണ് സംഭവം. സെൻട്രൽ പാർക്കിലെ പ്രധാന വിനോദസഞ്ചാര കേന്ദ്രമായ ചെറി ഹില്ലിനും ബെഥെസ്ദ ഫൗണ്ടനും സമീപത്തുവെച്ചായിരുന്നു അപകടം. കുടുംബം വണ്ടിയിൽനിന്ന് ഇറങ്ങി ഫോട്ടോ എടുക്കുന്നതിനിടെ പെട്ടെന്ന് കുതിര വിരണ്ടോടുകയായിരുന്നു. നിയന്ത്രണംവിട്ട വണ്ടി അതിവേഗത്തിൽ സഞ്ചരിക്കുകയും പിന്നീട് മറിയുകയുമായിരുന്നു. വണ്ടി മറിഞ്ഞതിനെത്തുടർന്നുണ്ടായ ഗുരുതരമായ പരിക്കുകളാണ് മരണകാരണം.
അപകടസമയത്ത് വണ്ടി ഓടിച്ചിരുന്ന ഡ്രൈവർ വണ്ടിയിൽ ഉണ്ടായിരുന്നില്ലെന്ന് അന്വേഷണത്തിൽ വ്യക്തമായി. കുടുംബത്തിന്റെ ഫോട്ടോ എടുക്കാനായി ഡ്രൈവർ വണ്ടിയിൽനിന്ന് മാറിനിൽക്കുകയായിരുന്നു. സംഭവത്തിൽ പോലീസ് അന്വേഷണം ഊർജ്ജിതമാക്കിയിട്ടുണ്ട്.
Story Summary
An 18-year-old Indian tourist, Romanch Mahajan, was killed in a tragic accident at Central Park, New York, on Wednesday after a horse-drawn carriage he was riding in overturned. The accident occurred after the horse bolted while the family had paused to take photos.
