ലണ്ടൻ: ഗൂഗിളിന്റെ മാതൃകമ്പനിയായ ആൽഫബെറ്റിന് കീഴിലുള്ള സ്വയം ഓടുന്ന കാറുകളുടെ പരീക്ഷണം ലണ്ടനിലെ ഒരു ചരിത്രപ്രസിദ്ധമായ തെരുവിൽ താമസിക്കുന്നവരുടെ ഉറക്കം കെടുത്തുന്നു (Google Self-Driving Car Issue London). കിഴക്കൻ ലണ്ടനിലെ ഷോർഡിച്ച് മേഖലയിലുള്ള എൽഡർ സ്ട്രീറ്റിലാണ് വേമോ കാറുകൾ നിരന്തരം കുടുങ്ങുന്നതും വലിയ ശബ്ദത്തിൽ അലാറം മുഴക്കുന്നതും.
ഒരു വശത്ത് വഴി അവസാനിക്കുന്ന ‘ഡെഡ് എൻഡ്’റോഡായ എൽഡർ സ്ട്രീറ്റിലേക്ക് ഈ കാറുകൾ അബദ്ധത്തിൽ പ്രവേശിക്കുന്നു. വഴി തടസ്സപ്പെടുമ്പോൾ തിരിച്ചിറക്കാൻ കഴിയാത്ത വിധം തെരുവ് ഇടുങ്ങിയതാണ്. ഇതോടെ കാറുകൾ റിവേഴ്സ് എടുക്കുമ്പോൾ വലിയ ശബ്ദത്തിലുള്ള സൈറൺ മുഴങ്ങുന്നു. പുലർച്ചെ നാല് മണിക്ക് പോലും ഈ ശബ്ദം കേൾക്കുന്നത് താമസക്കാരെ കടുത്ത ദുരിതത്തിലാക്കിയിരിക്കുകയാണ്. ബ്രിട്ടീഷ് നിയമപ്രകാരം ഡ്രൈവർ രഹിത കാറുകളുടെ പരീക്ഷണ വേളയിൽ ഒരു സുരക്ഷാ ഡ്രൈവർ കാറിലുണ്ടാകണം. നാട്ടുകാർ ഇതിനെക്കുറിച്ച് ഡ്രൈവറോട് പരാതിപ്പെട്ടപ്പോൾ, കാർ സ്വയം തെറ്റുകൾ തിരുത്താനാണ് ഈ വഴിയിൽ ഓടിക്കുന്നതെന്ന മറുപടിയാണ് ലഭിച്ചത്.
ഈ പ്രദേശം ചരിത്രപ്രസിദ്ധമായ ‘കൺസർവേഷൻ ഏരിയ’ ആയതിനാൽ ഇവിടെയുള്ള വീടുകളിൽ ശബ്ദം തടയാനുള്ള മോഡേൺ വിൻഡോകൾ സ്ഥാപിക്കാൻ അനുമതിയില്ല. അതിനാൽ പുറത്തെ വലിയ ശബ്ദം നേരിട്ട് വീടുകൾക്കുള്ളിലേക്ക് എത്തുന്നു. ഏപ്രിൽ മാസത്തിലാണ് ലണ്ടനിൽ വേമോ തങ്ങളുടെ ജാഗ്വാർ എസ്യുവികളുടെ പരീക്ഷണം ആരംഭിച്ചത്. പരാതികൾ വ്യാപകമായതിനെത്തുടർന്ന്, എൽഡർ സ്ട്രീറ്റിലൂടെയുള്ള ഈ വാഹനങ്ങളുടെ സഞ്ചാരം നിയന്ത്രിച്ചതായി കമ്പനി അറിയിച്ചു.
Summary: Residents of Elder Street in London are protesting against Google’s self-driving car unit, Waymo, after its vehicles repeatedly got stuck in a dead-end road and woke them up with loud reversing alarms at 4:00 AM. Despite having safety drivers on board, the autonomous vehicles struggled with the narrow street. In response to the backlash, Waymo has now restricted its vehicles from driving on this specific street.
