വാഷിങ്ടൺ: ഇറാനിലെ മിനാബ് ഗേൾസ് സ്കൂളിൽ നടന്ന മാരകമായ മിസൈൽ ആക്രമണത്തിന്റെ ഉത്തരവാദിത്തം തള്ളിക്കളഞ്ഞ് യുഎസ് പ്രസിഡന്റ് ഡൊണാൾഡ് ട്രംപ്. ഫെബ്രുവരി 28-ന് നടന്ന ആക്രമണത്തിൽ നൂറിലധികം കുട്ടികളും അധ്യാപകരും കൊല്ലപ്പെട്ട സംഭവത്തിൽ, ആരുടേതാണ് മിസൈൽ എന്ന് കൃത്യമായി പറയാൻ കഴിയില്ലെന്നാണ് ട്രംപിന്റെ പുതിയ വാദം (Donald Trump on Minab School Strike). ആക്രമണം നടന്ന സമയത്ത് ചുറ്റും നിരവധി മിസൈലുകൾ പറക്കുന്നുണ്ടായിരുന്നുവെന്നും, അത് അമേരിക്കൻ സേനയുടേതാണെന്ന് കരുതാൻ തെളിവുകളില്ലെന്നും ട്രംപ് മാധ്യമങ്ങളോട് പറഞ്ഞു.
നേരത്തെ മിനാബ് സ്കൂളിലെ ആക്രമണം ഒരു ‘അബദ്ധം’ ആണെന്ന് ട്രംപ് സമ്മതിച്ചിരുന്നു. എന്നാൽ ഇപ്പോൾ ആ നിലപാടിൽ നിന്ന് അദ്ദേഹം പിന്നോക്കം പോയിരിക്കുകയാണ്. ആക്രമണത്തിന് പിന്നിൽ ഇറാൻ തന്നെയാണെന്ന് തെളിവുകളില്ലാതെ ആദ്യഘട്ടത്തിൽ ആരോപിച്ചിരുന്ന ട്രംപ്, ഇപ്പോൾ അന്വേഷണം നടക്കുന്നുണ്ടെന്നും അതിന്റെ ഫലം എന്തായാലും അംഗീകരിക്കുമെന്നുമാണ് വ്യക്തമാക്കുന്നത്. യുഎസ് സേനയുടെ കാലഹരണപ്പെട്ട ടാർഗെറ്റിംഗ് ഡാറ്റ ഉപയോഗിച്ചതാകാം ആക്രമണത്തിന് കാരണമെന്ന സൂചനകൾ നേരത്തെ തന്നെ പുറത്തുവന്നിരുന്നു. അന്താരാഷ്ട്ര തലത്തിൽ വലിയ പ്രതിഷേധത്തിന് വഴിവെച്ച ഈ സംഭവം, നിലവിൽ വാഷിംഗ്ടണും ടെഹ്റാനും തമ്മിലുള്ള സമാധാന ചർച്ചകളിലെ ഏറ്റവും പ്രധാനപ്പെട്ട തടസ്സങ്ങളിൽ ഒന്നാണ്.
Summary: US President Donald Trump has cast doubt on whether American forces were responsible for the deadly February 28 strike on a girls’ school in Minab, Iran, which killed over 175 people. Despite previously acknowledging the incident as a “mistake,” Trump now claims there is no conclusive evidence linking the US to the missile, suggesting that conflicting military activity in the region makes it difficult to assign blame.
