ദമാസ്കസ്: ഫ്രഞ്ച് പ്രസിഡന്റ് ഇമ്മാനുവൽ മാക്രോൺ സിറിയയിൽ ഔദ്യോഗിക സന്ദർശനം നടത്തുന്നതിനിടെ തലസ്ഥാനമായ ദമാസ്കസിലുണ്ടായ ഇരട്ട സ്ഫോടനങ്ങളിൽ 18 പേർക്ക് പരിക്ക് ( Damascus Explosions). നാല് പോലീസ് ഉദ്യോഗസ്ഥരും പരിക്കേറ്റവരിൽ ഉൾപ്പെടുന്നു. സ്ഫോടനങ്ങൾ നടന്ന സ്ഥലത്ത് നിന്ന് കനത്ത പുകയും തീയുമുയരുന്ന ദൃശ്യങ്ങൾ പുറത്തുവന്നു. ടൂറിസം മന്ത്രാലയത്തിന് സമീപവും, മാക്രോൺ താമസിക്കാൻ നിശ്ചയിച്ചിരുന്ന ഹോട്ടലിന് അടുത്തുമായിരുന്നു സ്ഫോടനങ്ങൾ നടന്നതെന്ന് റിപ്പോർട്ടുകൾ വ്യക്തമാക്കുന്നു.
സിറിയൻ പ്രസിഡന്റ് അഹമ്മദ് അൽ-ഷറായുമായി കൂടിക്കാഴ്ച നടത്തുന്നതിനായി പ്രസിഡൻഷ്യൽ പാലസിലേക്ക് പോകുന്ന വഴിയിലായിരുന്നു ഫ്രഞ്ച് പ്രസിഡന്റ്. സ്ഫോടനങ്ങൾ നടക്കുമ്പോൾ അദ്ദേഹം ഈ പരിസരത്ത് ഉണ്ടായിരുന്നില്ലെന്നും, സന്ദർശനം യാതൊരു തടസ്സവുമില്ലാതെ തുടരുമെന്നും ഫ്രഞ്ച് പ്രസിഡന്റിന്റെ ഓഫീസ് അറിയിച്ചു. സ്ഫോടനങ്ങൾ നടന്ന ഉടൻ തന്നെ സുരക്ഷാ ഉദ്യോഗസ്ഥർ സ്ഥലത്തെത്തി പ്രദേശത്ത് നിയന്ത്രണങ്ങൾ ഏർപ്പെടുത്തി. ഇത് ക്രിമിനൽ നടപടിയാണെന്ന് സുരക്ഷാ ഉദ്യോഗസ്ഥർ പ്രതികരിച്ചു.
സന്ദർശനത്തിന്റെ ഭാഗമായി പ്രസിഡൻഷ്യൽ പാലസിൽ സ്ഥിതിഗതികൾ ശാന്തമാണെന്ന് അൽ ജസീറ റിപ്പോർട്ട് ചെയ്യുന്നു. ഫ്രഞ്ച് പ്രസിഡന്റിന്റെ വാഹനവ്യൂഹത്തെ ലക്ഷ്യം വെച്ചാണോ സ്ഫോടനം നടത്തിയതെന്ന് വ്യക്തമല്ല. രാജ്യത്ത് അസ്ഥിരത സൃഷ്ടിക്കുകയാണ് ഇത്തരം ആക്രമണങ്ങളുടെ ലക്ഷ്യമെന്ന് സുരക്ഷാ വിദഗ്ധർ വിലയിരുത്തുന്നു. കഴിഞ്ഞ ആഴ്ച മധ്യ ദമാസ്കസിലെ ഒരു കഫേയിലുണ്ടായ സ്ഫോടനത്തിൽ ഒൻപത് പേർ കൊല്ലപ്പെടുകയും 20 പേർക്ക് പരിക്കേൽക്കുകയും ചെയ്തിരുന്നു.
Summary: Multiple explosive devices detonated in Damascus during French President Emmanuel Macron’s visit to Syria, leaving at least 18 people wounded, including four police officers. While the blasts occurred near the French delegation’s planned route, President Macron was unharmed and continued his scheduled meetings with Syrian President Ahmed al-Sharaa, as authorities investigate the security breach.
