ലാസ് വെഗാസ്: സംഗീത ലോകത്തെ പ്രശസ്തമായ അമേരിക്കൻ മ്യൂസിക് അവാർഡ്സിൽ വീണ്ടും ചരിത്രവിജയം സ്വന്തമാക്കി ലോകപ്രശസ്ത കെ-പോപ്പ് ബാൻഡ് ബിടിഎസ് (BTS American Music Awards). ആരാധകരുടെ വോട്ടെടുപ്പിലൂടെ തിരഞ്ഞെടുത്ത ഈ വർഷത്തെ ഏറ്റവും വലിയ പുരസ്കാരമായ ‘ആർട്ടിസ്റ്റ് ഓഫ് ദി ഇയർ’ ബിടിഎസ് സ്വന്തമാക്കി. ലാസ് വെഗാസിൽ വെച്ച് നടന്ന പ്രൗഢഗംഭീരമായ ചടങ്ങിൽ തങ്ങളുടെ ജനപ്രിയ സിംഗിൾ ആയ “സ്വിം” എന്ന ഗാനത്തിലൂടെ ‘സോങ് ഓഫ് ദി സമ്മർ’ പുരസ്കാരവും ഈ കൊറിയൻ ബാൻഡ് കരസ്ഥമാക്കി. അമേരിക്കൻ മ്യൂസിക് അവാർഡ്സിന്റെ ചരിത്രത്തിൽ ഏറ്റവും കൂടുതൽ പുരസ്കാരങ്ങൾ നേടിയിട്ടുള്ള ടെയ്ലർ സ്വിഫ്റ്റ്, സാബ്രീന കാർപെന്റർ, ബാഡ് ബണ്ണി, ഹാരി സ്റ്റൈൽസ്, ലേഡി ഗാഗ തുടങ്ങിയ പ്രമുഖ ആഗോള സംഗീത പ്രതിഭകളെ പിന്തള്ളിയാണ് ബിടിഎസ് ഈ നേട്ടം കൈവരിച്ചത്.
അവാർഡ് ചടങ്ങിന്റെ തുടക്കത്തിൽ തങ്ങളുടെ ‘അരിരംഗ് ടൂറിനിടെ’ ലാസ് വെഗാസ് കൺസേർട്ടിൽ വെച്ച് ചിത്രീകരിച്ച “ഹൂളിഗൻ” എന്ന ഗാനത്തിന്റെ തകർപ്പൻ പ്രകടനത്തോടെയാണ് ബിടിഎസ് വേദിയെ ഉണർത്തിയത്. ചടങ്ങിൽ ഇരുപതുകാരനായ ഇൻഡി സംഗീതജ്ഞൻ ‘സോംബർ’ തന്റെ ഹിറ്റ് ഗാനമായ “ബാക്ക് ടു ഫ്രണ്ട്സ്” എന്ന അൽബത്തിലൂടെ മികച്ച റോക്ക്/ആൾട്ടർനേറ്റീവ് ഗാനത്തിനുള്ള പുരസ്കാരം നേടി. പിന്നീട് അദ്ദേഹത്തിന്റെ ആദ്യ ആൽബമായ “ഐ ബെയർലി നോ ഹെർ” മികച്ച റോക്ക് ആൽബമായും തിരഞ്ഞെടുക്കപ്പെട്ടു. നെറ്റ്ഫ്ലിക്സിന്റെ പ്രശസ്ത ആനിമേഷൻ ചിത്രമായ ‘കെ-പോപ്പ് ഡെമൺ ഹണ്ടേഴ്സ്’ ലെ “ഗോൾഡൻ” എന്ന ഗാനമാണ് ഈ വർഷത്തെ മികച്ച ഗാനമായി തിരഞ്ഞെടുക്കപ്പെട്ടത്. ലോകമെമ്പാടുമുള്ള ദശലക്ഷക്കണക്കിന് വരുന്ന ‘ബിടിഎസ് ആർമി’ ആരാധകർക്ക് ഇരട്ടി മധുരം നൽകുന്നതാണ് ഈ പുതിയ അന്താരാഷ്ട്ര പുരസ്കാര നേട്ടങ്ങൾ.
Summary: K-pop sensation BTS achieved a major victory at the fan-voted American Music Awards by winning the prestigious Artist of the Year award. The global superstars also claimed the Song of the Summer honor for their hit single “Swim,” triumphing over industry icons like Taylor Swift and Lady Gaga. Additionally, indie musician Sombr secured multiple rock category wins, while the track “Golden” from Netflix’s K-Pop Demon Hunters was named Song of the Year.
