ഫ്രാങ്ക്ഫർട്ട്: ജർമ്മനിയിലെ ഫ്രാങ്ക്ഫർട്ട് വിമാനത്താവളത്തിൽ പാർക്ക് ചെയ്തിരുന്ന ലുഫ്താൻസ എയർലൈൻസിന്റെ ബോയിംഗ് 787 വിമാനത്തിന്റെ മുൻചക്രങ്ങൾ പെട്ടെന്ന് തകർന്നു വീണുണ്ടായ അപകടത്തിൽ നിരവധി ജീവനക്കാർക്ക് പരിക്ക് (Boeing 787 Nose Gear Collapse). വ്യാഴാഴ്ച ഉച്ചയ്ക്ക് 12:45 ഓടെയായിരുന്നു അന്താരാഷ്ട്ര മാധ്യമങ്ങൾ റിപ്പോർട്ട് ചെയ്ത ഈ ഞെട്ടിക്കുന്ന സംഭവം നടന്നത്. ഫ്രാങ്ക്ഫർട്ടിൽ നിന്നും അമേരിക്കയിലെ ലോസ് ഏഞ്ചൽസിലേക്ക് സർവീസ് നടത്തേണ്ടിയിരുന്ന LH450 എന്ന വിമാനമാണ് അപകടത്തിൽപ്പെട്ടത്. അപകടസമയത്ത് വിമാനത്തിലേക്ക് യാത്രക്കാരെ കയറ്റിത്തുടങ്ങിയിരുന്നില്ലെന്ന് ലുഫ്താൻസ വക്താവ് അറിയിച്ചു.
എന്നാൽ, ആ സമയത്ത് വിമാനത്തിനുള്ളിൽ ഉണ്ടായിരുന്ന ക്യാബിൻ ക്രൂ അംഗങ്ങൾക്കും ഗ്രൗണ്ട് സ്റ്റാഫുകൾക്കുമാണ് പരിക്കേറ്റത്. ഇവരെ ഉടൻതന്നെ വിമാനത്താവളത്തിന് സമീപമുള്ള ആശുപത്രികളിൽ പ്രവേശിപ്പിച്ച് അടിയന്തിര വൈദ്യസഹായം ലഭ്യമാക്കി. ചക്രങ്ങൾ തകർന്നതിനെ തുടർന്ന് വിമാനത്തിന്റെ മുൻഭാഗം റൺവേയിൽ ഇടിച്ചു നില്ക്കുന്ന നിലയിലായിരുന്നു.അപകടത്തിന്റെ കൃത്യമായ കാരണം കണ്ടെത്താൻ വ്യോമയാന അധികൃതരുമായി ചേർന്ന് അന്വേഷണം ആരംഭിച്ചതായി ലുഫ്താൻസ വ്യക്തമാക്കി. തങ്ങളുടെ ഉപഭോക്താക്കൾക്ക് ആവശ്യമായ എല്ലാ പിന്തുണയും നൽകുന്നുണ്ടെന്ന് ബോയിംഗ് കമ്പനിയും അറിയിച്ചിട്ടുണ്ട്. കാര്യക്ഷമത കുറഞ്ഞ പഴയ വിമാനങ്ങൾക്ക് പകരം ലുഫ്താൻസ ഗ്രൂപ്പ് തങ്ങളുടെ സർവീസിലേക്ക് പുതുതായി ഉൾപ്പെടുത്തിക്കൊണ്ടിരിക്കുന്ന വിമാനങ്ങളിൽ ഒന്നാണ് ബോയിംഗ് 787-9 വേരിയന്റ്.
Summary: Several staff members were injured at Frankfurt Airport after the nose gear of a Lufthansa Boeing 787 jetliner unexpectedly collapsed while parked at the gate. A spokesperson confirmed that passengers had not yet boarded the aircraft, which was scheduled to depart for Los Angeles as flight LH450, but crew and ground staff were on board during the incident. Emergency vehicles rushed to the scene as the widebody aircraft lay partially on its belly, and both Lufthansa and Boeing have launched an investigation into the exact circumstances of the collapse.
