മെൽബൺ: ഐപിഎൽ 2026-ൽ രാജസ്ഥാൻ റോയൽസിന്റെ പതിനഞ്ചുകാരൻ വിസ്മയ താരം വൈഭവ് സൂര്യവംശിയുടെ ബാറ്റിംഗ് പ്രകടനത്തെ തമാശരൂപേണ പ്രശംസിച്ച് ഓസ്ട്രേലിയൻ ക്യാപ്റ്റനും സൺറൈസേഴ്സ് ഹൈദരാബാദ് താരവുമായ പാറ്റ് കമ്മിൻസ് (Pat Cummins Vaibhav Sooryavanshi High School Joke). അടുത്തിടെ സമാപിച്ച ഐപിഎല്ലിൽ സൂര്യവംശിയുടെ ബാറ്റിന്റെ ചൂടറിഞ്ഞ പ്രമുഖ ബൗളർമാരിൽ ഒരാളാണ് കമ്മിൻസ്. ഈ പതിനഞ്ചുകാരന് പന്തെറിയുമ്പോൾ പിഴവുകൾ വരുത്താൻ ഒട്ടും സാധിക്കില്ലെന്നും, അവൻ ഇപ്പോഴും സ്കൂളിൽ പഠിക്കുകയായിരുന്നെങ്കിൽ തനിക്ക് പന്തെറിയേണ്ടി വരില്ലായിരുന്നുവെന്നും കമ്മിൻസ് ഫോക്സ് ക്രിക്കറ്റിനോട് സംസാരിക്കവെ തമാശയായി പറഞ്ഞു.
ഒരു പതിനഞ്ചുകാരൻ്റെ പക്വതയല്ല അവൻ്റെ ബാറ്റിംഗിൽ കാണുന്നതെന്നും മുപ്പത് വയസ്സുള്ള അനുഭവസമ്പന്നനായ ഒരു കളിക്കാരനെപ്പോലെയാണ് അവൻ പന്ത് അടിച്ചുപറത്തുന്നതെന്നും കമ്മിൻസ് കൂട്ടിച്ചേർത്തു. ഐപിഎൽ പ്ലേഓഫിലെ എലിമിനേറ്റർ മത്സരത്തിൽ ഹൈദരാബാദിനെതിരെ വെറും 29 പന്തിൽ നിന്ന് 97 റൺസാണ് സൂര്യവംശി അടിച്ചുകൂട്ടിയത്. അന്ന് നാലോവറിൽ വിക്കറ്റൊന്നും നേടാനാകാതെ 64 റൺസാണ് കമ്മിൻസ് വിട്ടുകൊടുത്തത്. ജസ്പ്രീത് ബുംറ, മിച്ചൽ സ്റ്റാർക്ക് എന്നിവരെയെന്ന പോലെ കമ്മിൻസിൻ്റെ ആദ്യ പന്തും സൂര്യവംശി സിക്സറിനാണ് പറത്തിയത്. ഈ സീസണിലെ ഏറ്റവും വേഗതയേറിയ സെഞ്ച്വറിയും ഈ യുവതാരത്തിന്റെ പേരിലാണ്.
Summary: Australia captain Pat Cummins shared a humorous take on facing 15-year-old batting sensation Vaibhav Sooryavanshi during the IPL 2026. Cummins joked that he wished the prodigy was still in high school so he wouldn’t have to bowl to him, calling his explosive batting style incredible for someone his age. Sooryavanshi dominated Cummins and the Sunrisers Hyderabad bowling lineup in the Eliminator, smashing a 29-ball 97 and previously recording the fastest century of the season against them.
