കോവിഡ്-19 മഹാമാരിക്ക് കാരണമായ വുഹാൻ ഇൻസ്റ്റിറ്റ്യൂട്ട് ഓഫ് വൈറോളജിയിലെ ഗവേഷണങ്ങൾക്ക് മുൻ യു.എസ് ചീഫ് മെഡിക്കൽ അഡ്വൈസർ ആന്റണി ഫൗച്ചി ഫണ്ടിങ് നൽകിയിരുന്നുവെന്ന് ഔദ്യോഗിക സ്ഥാനമൊഴിയുന്ന യു.എസ് ഡയറക്ടർ ഓഫ് നാഷണൽ ഇന്റലിജൻസ് തുളസി ഗബ്ബാർഡ്. തന്റെ അവസാന പ്രവൃത്തിദിനത്തിൽ “ഇന്നുവരെ പുറത്തുവരാത്ത” രേഖകൾ പുറത്തുവിട്ടുകൊണ്ടാണ് ഗബ്ബാർഡ് ഗുരുതരമായ ആരോപണങ്ങൾ ഉന്നയിച്ചിരിക്കുന്നത്. (Anthony Fauci Wuhan lab)
ആരോപണങ്ങൾ ഇങ്ങനെ:
ഗെയിൻ-ഓഫ്-ഫങ്ഷൻ ഗവേഷണം: അമേരിക്കൻ നികുതിദായകരുടെ ലക്ഷക്കണക്കിന് ഡോളർ ഉപയോഗിച്ച് വുഹാൻ ലാബിൽ വവ്വാലുകളിലെ കൊറോണ വൈറസുകളിൽ അപകടകരമായ ‘ഗെയിൻ-ഓഫ്-ഫങ്ഷൻ’ (gain-of-function) ഗവേഷണത്തിന് ഫൗച്ചി പണം നൽകിയെന്ന് ഗബ്ബാർഡ് ആരോപിക്കുന്നു.
തെളിവുകൾ മറച്ചുവെച്ചു: വൈറസിന്റെ ഉത്ഭവം ലാബ് ചോർച്ചയാണെന്ന സത്യം മറച്ചുവെക്കാൻ ഫൗച്ചി രഹസ്യാന്വേഷണ ഏജൻസികളെ സ്വാധീനിക്കുകയും തെറ്റിദ്ധരിപ്പിക്കുകയും ചെയ്തു.
കോൺഗ്രസിനോട് കള്ളം പറഞ്ഞു: 2024 ജൂണിൽ കോൺഗ്രസ് മുമ്പാകെ നൽകിയ മൊഴിയിൽ വൈറസ് ഗവേഷണത്തെക്കുറിച്ച് രഹസ്യാന്വേഷണ ഉദ്യോഗസ്ഥരുമായി ചർച്ച നടത്തിയിട്ടില്ലെന്ന് ഫൗച്ചി കള്ളം പറഞ്ഞതായി ഗബ്ബാർഡ് വ്യക്തമാക്കി.
തുടർച്ചയായ അട്ടിമറി: തനിക്ക് അനുകൂലമായ ശാസ്ത്രജ്ഞരെ ഉപയോഗിച്ച് കോവിഡ് ഉത്ഭവം പ്രകൃതിദത്തമാണെന്ന് വരുത്തിത്തീർക്കാനും, വിരുദ്ധ അഭിപ്രായങ്ങൾ ഉന്നയിച്ച വിദഗ്ധരെ തഴയാനും ഫൗച്ചി ശ്രമിച്ചു.
അധികാര ദുർവിനിയോഗം:
കോവിഡ് മഹാമാരി ലോകമെമ്പാടും ദുരിതം വിതച്ചപ്പോൾ, സ്വന്തം തെറ്റുകൾ മറച്ചുവെക്കാൻ ഫൗച്ചിയും മറ്റ് ഉദ്യോഗസ്ഥരും അധികാരം ദുർവിനിയോഗം ചെയ്തെന്നും സത്യം വെളിച്ചത്തുകൊണ്ടുവരാൻ സുതാര്യത ആവശ്യമാണെന്നും ഗബ്ബാർഡ് പറഞ്ഞു. വലിയ മരുന്നുകമ്പനികളുമായി ചേർന്ന് വാക്സിനുകൾ വിപണനം ചെയ്യുന്നതിന്റെ ഭാഗമായി റിസ്കിയായ കൊറോണ വൈറസ് ഗവേഷണങ്ങൾ അദ്ദേഹം പ്രോത്സാഹിപ്പിച്ചു എന്നും ഗബ്ബാർഡിന്റെ ഓഫീസ് ആരോപിക്കുന്നു.
ഈ ഗുരുതരമായ ആരോപണങ്ങളോട് ആന്റണി ഫൗച്ചി ഇതുവരെ പ്രതികരിച്ചിട്ടില്ല. യു.എസ് രഹസ്യാന്വേഷണ വിഭാഗത്തിന്റെ തലപ്പത്തിരുന്ന് വിരമിക്കുന്ന തുളസി ഗബ്ബാർഡ് പുറത്തുവിട്ട ഈ രേഖകൾ ആഗോളതലത്തിൽ തന്നെ വലിയ ചർച്ചകൾക്ക് വഴിവെച്ചിരിക്കുകയാണ്.
Summary: Tulsi Gabbard, the outgoing US Director of National Intelligence, has leveled serious allegations against former chief medical advisor Dr. Anthony Fauci, accusing him of funding risky “gain-of-function” research on bat coronaviruses at China’s Wuhan Institute of Virology. Releasing documents on her final day in office, Gabbard claimed Fauci manipulated intelligence assessments to hide the lab-leak origins of COVID-19 and lied to Congress during testimony in 2024.
