ചെന്നൈ: ഐ.പി.എൽ രണ്ടാം ക്വാളിഫയറിൽ ഗുജറാത്ത് ടൈറ്റൻസിനെതിരെ രാജസ്ഥാൻ റോയൽസിന്റെ 15 വയസ്സുകാരൻ വിസ്മയ താരം വൈഭവ് സൂര്യവംശിക്ക് വീണ്ടും സെഞ്ച്വറി നഷ്ടമായതിന് പിന്നാലെ സോഷ്യൽ മീഡിയയിൽ വൻ ചർച്ചകൾക്ക് തുടക്കമിട്ട് ക്യാപ്റ്റൻ റിയാൻ പരാഗിന്റെ പ്രതികരണം (Riyan Parag Scolds Vaibhav Sooryavanshi). തുടർച്ചയായ രണ്ടാം മത്സരത്തിലും തൊണ്ണൂറുകളിൽ വെച്ച് സെഞ്ച്വറി നഷ്ടമാക്കിയ നിരാശയിൽ മടങ്ങുകയായിരുന്ന വൈഭവിനോട് ഗ്രൗണ്ടിൽ വെച്ച് റിയാൻ പരാഗ് തികച്ചും വൈകാരികമായ രീതിയിൽ സംസാരിക്കുന്ന ദൃശ്യങ്ങൾ പുറത്തുവന്നതാണ് ആരാധകരെ ഇരുചേരിയിലാക്കിയത്.
Riyan Parag Scolding Vaibhav Sooryavanshi. What Non-Sense You Should Praise Him Man Due To Him Only You RR Crossed 200 Runs. By The Way What Riyan Parag Did 😒 #vaibhavsooryavanshi #rajasthanroyals pic.twitter.com/6hZ2OFfMEh
— Abhijit95 (@Abhijit42399667) May 29, 2026
കേവലം 11 റൺസ് മാത്രം എടുത്ത് പുറത്തായ ക്യാപ്റ്റൻ പരാഗ്, 47 പന്തിൽ 96 റൺസടിച്ച് ടീമിനെ മികച്ച നിലയിലെത്തിച്ച കൗമാര താരത്തെ പരസ്യമായി ശകാരിക്കുകയായിരുന്നോ അതോ ഉപദേശിക്കുകയായിരുന്നോ എന്നാണ് സോഷ്യൽ മീഡിയയിൽ ഉയരുന്ന പ്രധാന ചോദ്യം. കഴിഞ്ഞ ബുധനാഴ്ച നടന്ന എലിമിനേറ്റർ മത്സരത്തിലും സമാനമായ രീതിയിൽ തൊണ്ണൂറുകളിൽ വെച്ചാണ് വൈഭവിന് സെഞ്ച്വറി നഷ്ടമായിരുന്നത്.
Riyan Parag is scolding Vaibhav Suryavanshi.😭 pic.twitter.com/aYIOPz5ink
— Cricket Central (@CricketCentrl) May 29, 2026
മത്സരത്തിൽ ആദ്യം ബാറ്റ് ചെയ്ത രാജസ്ഥാൻ റോയൽസ് വൈഭവ് സൂര്യവംശിയുടെ തകർപ്പൻ ബാറ്റിംഗ് മികവിലാണ് നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 214 റൺസെന്ന കൂറ്റൻ സ്കോർ പടുത്തുയർത്തിയത്. തുടക്കത്തിൽ തന്നെ യശസ്വി ജയ്സ്വാളിനെയും ധ്രുവ് ജുറേലിനെയും നഷ്ടമായി തകർച്ചയെ നേരിട്ട രാജസ്ഥാനെ കാഗിസോ റബാഡ, മുഹമ്മദ് സിറാജ് തുടങ്ങിയ ലോകോത്തര ബൗളർമാരെ അതിവേഗം നേരിട്ടാണ് വൈഭവ് കരകയറ്റിയത്.
Vaibhav Suryavanshi looked frustrated after getting out on 96 runs.🥺 pic.twitter.com/TpQfPlNd2v
— 𝐑𝐮𝐬𝐡𝐢𝐢𝐢⁴⁵ (@rushiii_12) May 29, 2026
റബാഡയുടെ 153 കിലോമീറ്റർ വേഗതയുള്ള പന്തിൽ വൈഭവ് അടിച്ച സ്ട്രെയിറ്റ് സിക്സർ കാണികളെ ഏറെ അത്ഭുതപ്പെടുത്തിയിരുന്നു. എന്നാൽ റബാഡയുടെ ഒരു ഷോർട്ട് ബോളിൽ സിക്സറിന് ശ്രമിച്ച് തേർഡ് മാൻ പൊസിഷനിൽ വൈഭവ് ക്യാച്ച് നൽകി പുറത്താകുകയായിരുന്നു. പരിക്കേറ്റിട്ടും പിന്നീട് ക്രീസിലെത്തി 35 പന്തിൽ 45 റൺസുമായി പുറത്താകാതെ നിന്ന രവീന്ദ്ര ജഡേജയും 11 പന്തിൽ 38 റൺസ് അടിച്ചുകൂട്ടിയ ഫെരേരയും രാജസ്ഥാന്റെ സ്കോർ ഇരുന്നൂറ് കടത്തുന്നതിൽ നിർണ്ണായക പങ്കുവഹിച്ചു. അവസാന ഓവറിൽ റാഷിദ് ഖാനെതിരെ ഫെരേര അടിച്ചുകൂട്ടിയ 27 റൺസാണ് മത്സരത്തിൽ വഴിത്തിരിവായത്.
Summary: Social media is abuzz after Rajasthan Royals captain Riyan Parag was seen having an animated discussion with 15-year-old prodigy Vaibhav Sooryavanshi following his dismissal for 96 in IPL 2026 Qualifier 2. For the second consecutive match, the wonderkid missed his century in the nineties, getting caught at third man off Kagiso Rabada’s delivery. Despite losing early wickets, Sooryavanshi’s brilliant 47-ball 96, along with death-over cameos from Ravindra Jadeja and Ferreira, propelled Rajasthan Royals to a massive total of 214 against Gujarat Titans.
