ഹൈദരാബാദ്: വൻകിട ഗേറ്റഡ് കമ്മ്യൂണിറ്റികളിലെയും ഹൈറൈസ് സൊസൈറ്റികളിലെയും താമസം യുവാക്കൾക്കും ബാച്ചിലർമാർക്കും വലിയ മാനസിക ബുദ്ധിമുട്ടുകൾ ഉണ്ടാക്കുന്നുവെന്ന ഒരു സോഫ്റ്റ്വെയർ എഞ്ചിനീയറുടെ സോഷ്യൽ മീഡിയ പോസ്റ്റ് വലിയ ചർച്ചയാകുന്നു (Techie Warns High Rise Societies). ഹൈദരാബാദിലെ പ്രമുഖ സൊസൈറ്റിയിൽ താമസിക്കുന്ന ശ്രാവൺ വെങ്കിട്ടരാമൻ എന്ന ടെക്കിയാണ് എക്സ് പ്ലാറ്റ്ഫോമിലൂടെ തന്റെ ദുരനുഭവം പങ്കുവെച്ചുകൊണ്ട് രംഗത്തെത്തിയത്. പ്രായമായവർ നേതൃത്വം നൽകുന്ന റസിഡന്റ് വെൽഫെയർ അസോസിയേഷനുകൾ പലപ്പോഴും തങ്ങളുടെ അധികാര പ്രകടനങ്ങൾക്കായി അനാവശ്യ നിയമങ്ങൾ അടിച്ചേൽപ്പിക്കുകയാണെന്നും, അതിനാൽ യുവാക്കൾ ഇത്തരം വലിയ ഫ്ലാറ്റുകൾ ഒഴിവാക്കി കുറഞ്ഞ അപ്പാർട്ട്മെന്റുകളുള്ള ചെറിയ ബിൽഡിംഗുകൾ തിരഞ്ഞെടുക്കുന്നതാണ് നല്ലതെന്നും അദ്ദേഹം കുറിച്ചു.
If you’re a bachelor/young couple with kids, as much as possible avoid high rises and opt for G+3 G+4 type places with < 25 units houses.
The old people in high rises (who also happen to be part of RWAs) are becoming mentally deranged and pretty insane at this point.
— Shravan Venkataraman (@theBuoyantMan) May 25, 2026
തന്റെ ഫ്ലാറ്റിൽ നടന്ന ഒരു മോഷണവുമായി ബന്ധപ്പെട്ട് സൊസൈറ്റിയുടെ വാട്സാപ്പ് ഗ്രൂപ്പിൽ സിസിടിവി ദൃശ്യങ്ങൾ ആവശ്യപ്പെട്ടപ്പോൾ ക്യാമറകൾ പ്രവർത്തിക്കുന്നില്ലെന്ന മറുപടിയാണ് ലഭിച്ചതെന്ന് ശ്രാവൺ പറയുന്നു. തുടർന്ന് സുരക്ഷ മുൻനിർത്തി എല്ലാവരും സ്വന്തമായി ക്യാമറകൾ വെക്കണമെന്ന് നിർദ്ദേശിച്ചതിന് തൊട്ടടുത്ത ദിവസം അസോസിയേഷൻ ഭാരവാഹികൾ തന്നെ ക്ലബ്ബ് ഹൗസിലേക്ക് വിളിച്ചുവരുത്തി പരസ്യമായി അധിക്ഷേപിച്ചതായി അദ്ദേഹം ആരോപിച്ചു. സുരക്ഷാവീഴ്ച പരിഹരിക്കുന്നതിന് പകരം സൊസൈറ്റിയുടെ പ്രതിച്ഛായ തകർത്തു എന്ന് കാണിച്ച് ഭാരവാഹികൾ തട്ടിക്കയറിയതോടെ അദ്ദേഹം ഗ്രൂപ്പിൽ നിന്നും പുറത്തുകടക്കുകയായിരുന്നു. വാടകക്കാർക്കും യുവാക്കൾക്കും നേരെ ഇത്തരം സൊസൈറ്റികളിൽ നടക്കുന്ന അനാവശ്യ നിയന്ത്രണങ്ങളും മോറൽ പൊലീസിംഗും തുറന്നുപറഞ്ഞ ടെക്കിയുടെ പോസ്റ്റിനെ അനുകൂലിച്ച് നിരവധി യുവാക്കൾ രംഗത്തെത്തിയപ്പോൾ, സൊസൈറ്റികളിലെ അച്ചടക്കവും സുരക്ഷയും നിലനിർത്താൻ കർശന നിയമങ്ങൾ ആവശ്യമാണെന്ന വാദവുമായി അസോസിയേഷൻ അനുകൂലികളും രംഗത്തുണ്ട്.
Summary: A software engineer’s viral social media post has sparked a debate after he advised young couples and bachelors to avoid living in large high-rise societies. Shravan Venkataraman shared his experience from a Hyderabad society, claiming that elderly Resident Welfare Association (RWA) members often go on power trips and impose arbitrary rules. He suggested that younger residents are better off in smaller residential buildings where community rules are less intrusive and more relaxed.
