ചെന്നൈ: തമിഴ് രാഷ്ട്രീയ ചരിത്രത്തിലെ നിർണായകമായൊരു ദിവസമാണ് ഇന്ന്. വിജയ്യുടെ നേതൃത്വത്തിലുള്ള ടിവികെ സർക്കാരിന്റെ വിശ്വാസവോട്ടെടുപ്പ് ഇന്ന് രാവിലെ 9:30-ന് നിയമസഭയിൽ നടക്കും. 233 അംഗ സഭയിൽ 120 എംഎൽഎമാരുടെ പിന്തുണയോടെയാണ് ടിവികെ അധികാരത്തിലേറിയത്. എഐഎഡിഎംകെയിലെ വിമതപക്ഷം സർക്കാരിന് പിന്തുണ പ്രഖ്യാപിച്ചിട്ടുണ്ടെങ്കിലും, ഔദ്യോഗിക പക്ഷമായ ഇപിഎസ് വിഭാഗം സർക്കാരിനെതിരെ വോട്ട് ചെയ്യാൻ അംഗങ്ങൾക്ക് വിപ്പ് നൽകിയത് വോട്ടെടുപ്പിനെ കലുഷിതമാക്കുന്നു.(Tamil Nadu Vijay Government Floor Test Today)
വിജയ്യുടെ രാഷ്ട്രീയ പ്രവേശനത്തെയും തുടർന്നുണ്ടായ വിജയത്തെയും പ്രമുഖ എഴുത്തുകാരൻ പെരുമാൾ മുരുകൻ പ്രശംസിച്ചു. പ്രത്യയശാസ്ത്രത്തിന് പ്രാധാന്യം നൽകിയതിനാലാണ് ജനങ്ങൾ വിജയ്യെ പിന്തുണച്ചതെന്ന് അദ്ദേഹം അഭിപ്രായപ്പെട്ടു. വോട്ടർമാർക്ക് പണം നൽകാതെ വിജയിക്കാൻ സാധിച്ചത് ടിവികെയുടെ വലിയൊരു നേട്ടമാണ്. യുവാക്കൾക്കും യുവതികൾക്കും രാഷ്ട്രീയത്തിൽ മികച്ച പ്രാതിനിധ്യം നൽകാൻ പാർട്ടിക്ക് കഴിഞ്ഞു.
വിജയ് മതേതര കാഴ്ചപ്പാടുകൾ പിന്തുടരുന്ന ആളാണ്. അദ്ദേഹത്തിന് വ്യക്തമായ ബിജെപി വിരുദ്ധ നിലപാടുണ്ട്. ഉദയനിധി സ്റ്റാലിൻ പ്രതിപക്ഷ നേതാവായതിനെ ‘കുടുംബാധിപത്യം’ എന്ന് മുദ്രകുത്താനാവില്ല. പാർട്ടി പ്രവർത്തകർക്കിടയിൽ വലിയ സ്വീകാര്യതയുള്ള നേതാവാണ് അദ്ദേഹമെന്നും പെരുമാൾ മുരുകൻ കൂട്ടിച്ചേർത്തു.
Story Summary
The Tvk government led by actor-politician Vijay faces its first floor test in the Tamil Nadu Assembly today with a slim majority. Meanwhile, renowned writer Perumal Murugan praised Vijay’s victory as a triumph of ideological politics over money power and endorsed him as a committed secular leader.
