ചെന്നൈ: തമിഴ്നാട് നിയമസഭാ തിരഞ്ഞെടുപ്പിന്റെ വോട്ടെടുപ്പിനായി സംസ്ഥാനം പൂർണ്ണസജ്ജമായി. ഏപ്രിൽ 23-ന് നടക്കുന്ന വോട്ടെടുപ്പിന് മുന്നോടിയായി വിപുലമായ ക്രമീകരണങ്ങളാണ് തിരഞ്ഞെടുപ്പ് കമ്മീഷൻ ഒരുക്കിയിരിക്കുന്നത്. തിരഞ്ഞെടുപ്പ് അട്ടിമറിക്കാനുള്ള നീക്കങ്ങൾ തടയുന്നതിന്റെ ഭാഗമായി റെക്കോർഡ് തുകയാണ് സംസ്ഥാനത്ത് നിന്ന് പിടിച്ചെടുത്തത് (Tamil Nadu Election 2026).
5.67 കോടി വോട്ടർമാരാണ് സംസ്ഥാനത്തുള്ളത്. ഇതിൽ 2.89 കോടി സ്ത്രീകളും 2.77 കോടി പുരുഷന്മാരുമാണ്. സ്ത്രീകൾക്കാണ് വോട്ടർ പട്ടികയിൽ മുൻതൂക്കം. മൂന്ന് ലക്ഷത്തിലധികം ഉദ്യോഗസ്ഥരെ പോളിംഗ് ജോലികൾക്കായി നിയോഗിച്ചിട്ടുണ്ട്. തിരഞ്ഞെടുപ്പ് പെരുമാറ്റച്ചട്ടം നിലവിൽ വന്നത് മുതൽ 1,262 കോടി രൂപ ഉദ്യോഗസ്ഥർ തടഞ്ഞു വെക്കുകയും 543 കോടി രൂപയോളം കണ്ടുകെട്ടുകയും ചെയ്തു. ക്രമക്കേടുകൾ കണ്ടെത്തിയ 2,180 ഓൺലൈൻ ലിങ്കുകൾ ബ്ലോക്ക് ചെയ്തു.
8,300-ലധികം പോലീസ് ഉദ്യോഗസ്ഥരെ സുരക്ഷയ്ക്കായി വിന്യസിച്ചു. ആകെ 75,064 പോളിംഗ് സ്റ്റേഷനുകളാണുള്ളത്. ഇതിൽ 5,049 ബൂത്തുകൾ അതീവ ജാഗ്രത വേണ്ടവയായി കണ്ടെത്തിയിട്ടുണ്ട്. പരാതികൾ അറിയിക്കാൻ 1950 എന്ന ഹെൽപ്പ് ലൈൻ നമ്പറും ലഭ്യമാണ്. വോട്ടർമാർക്ക് മൊബൈൽ ഫോണുകൾ സുരക്ഷിതമായി വെക്കാൻ ഇതാദ്യമായി ബൂത്തുകളിൽ ‘സേഫ് ഡെപ്പോസിറ്റ്’ സൗകര്യം ഒരുക്കിയിട്ടുണ്ട്. സ്ത്രീകൾ മാത്രം നിയന്ത്രിക്കുന്ന പോളിംഗ് സ്റ്റേഷനുകളും ഇത്തവണത്തെ പ്രത്യേകതയാണ്.
ഡിഎംകെ, എഐഎഡിഎംകെ, നടൻ വിജയിന്റെ തമിഴക വെട്രി കഴകം (ടിവികെ), സീമാന്റെ നാം തമിഴർ കക്ഷി എന്നിവരടക്കം അഞ്ച് കോണുകളിലുള്ള പോരാട്ടത്തിനാണ് തമിഴ്നാട് സാക്ഷ്യം വഹിക്കുന്നത്. പതിനാലര ലക്ഷത്തോളം കന്നിവോട്ടർമാരും ഇത്തവണ തമിഴ്നാടിന്റെ വിധി നിർണ്ണയിക്കാൻ ബൂത്തുകളിലെത്തും. 62 കേന്ദ്രങ്ങളിലായാണ് വോട്ടെണ്ണൽ നടക്കുക.
Summary: Tamil Nadu is ready for the assembly elections on April 23, with over 5.67 crore voters set to exercise their franchise. Chief Electoral Officer Archana Patnaik confirmed that 3 lakh personnel and 8,300 police officers are deployed across 75,064 polling stations. In a massive crackdown, officials seized Rs 1,262 crore and confiscated Rs 543 crore meant for electoral malpractice. For the first time, a safe deposit system for mobile phones has been introduced at booths. The state faces a high-stakes five-cornered contest involving DMK, AIADMK, and actor Vijay’s TVK.
