മലപ്പുറം: വീട്ടിലേക്കുള്ള വഴി സഞ്ചാരയോഗ്യമാക്കി നൽകുന്നില്ലെന്ന് ആരോപിച്ച് കുടുംബം പഞ്ചായത്ത് ഓഫീസിനുള്ളിൽ ആത്മഹത്യാ ഭീഷണി മുഴക്കി (Malappuram Vazhayur panchayat suicide threat). മലപ്പുറം വാഴയൂർ പഞ്ചായത്ത് ഓഫീസിലാണ് തിങ്കളാഴ്ച നാടകീയ സംഭവങ്ങൾ അരങ്ങേറിയത്. വാഴയൂർ സ്വദേശിയായ ഗോപാലനും കുടുംബവുമാണ് കയ്യിൽ പെട്രോൾ കുപ്പിയുമായി പഞ്ചായത്ത് ഓഫീസിലെത്തി ഭീഷണി മുഴക്കിയത്.
സ്വന്തം വീട്ടിലേക്ക് വഴിയൊരുക്കണമെന്ന ആവശ്യവുമായി കഴിഞ്ഞ മൂന്ന് വർഷമായി പഞ്ചായത്ത് ഓഫീസ കയറിയിറങ്ങുകയാണെന്ന് കുടുംബം ആരോപിക്കുന്നു. എന്നാൽ റോഡ് ഉൾപ്പെടുന്ന ഭൂമി ഔദ്യോഗികമായി ആസ്തി രജിസ്റ്ററിൽ ഉൾപ്പെട്ടിട്ടില്ലെന്നാണ് പഞ്ചായത്ത് അധികൃതർ നൽകുന്ന വിശദീകരണമെന്ന് കുടുംബം പറയുന്നു.
സംഭവം അറിഞ്ഞ് വാഴക്കാട് പോലീസ് ഉടൻ തന്നെ സ്ഥലത്തെത്തി കുടുംബവുമായി ചർച്ച നടത്തി. വിഷയത്തിൽ ഉടൻ തന്നെ പരിശോധിച്ച് പരിഹാരം കാണാമെന്ന് പോലീസ് ഉറപ്പു നൽകിയതിനെ തുടർന്നാണ് കുടുംബം പ്രതിഷേധത്തിൽ നിന്ന് പിന്മാറിയത്.
Story Summary: A family in Vazhayur, Malappuram, staged a suicide threat inside the Panchayat office with a petrol bottle over a long-pending request to make the road to their house accessible. The police arrived at the scene and defused the situation by promising a quick resolution.
