ചെന്നൈ: ബിജെപിയിൽ നിന്ന് രാജിവെച്ചതിന് പിന്നാലെ, താൻ രൂപീകരിച്ച ‘വി ദി ലീഡേഴ്സ്’ എന്ന പ്രസ്ഥാനത്തെ ഒരു പൂർണ്ണ രാഷ്ട്രീയ പാർട്ടിയാക്കി മാറ്റാനുള്ള നടപടികളുമായി കെ. അണ്ണാമലൈ മുന്നോട്ട്. ജൂലൈ മാസത്തോടെ പ്രസ്ഥാനത്തെ രാഷ്ട്രീയ പാർട്ടിയായി പ്രഖ്യാപിക്കുമെന്ന് അദ്ദേഹം അറിയിച്ചു.(K Annamalai to Transform We The Leaders Into Political Party)
ബിജെപിയിൽ നിന്ന് പുറത്തുവന്ന ശേഷം അണ്ണാമലൈ ആരംഭിച്ച പുതിയ പ്രസ്ഥാനത്തിൽ ഇതിനോടകം തന്നെ 18 ലക്ഷത്തോളം പേർ അംഗങ്ങളായി ചേർന്നുവെന്നാണ് അദ്ദേഹം അവകാശപ്പെടുന്നത്. തമിഴ്നാട് രാഷ്ട്രീയത്തിൽ നിർണ്ണായക മാറ്റങ്ങൾ ലക്ഷ്യമിടുന്ന പ്രസ്ഥാനം, പരമ്പരാഗത രാഷ്ട്രീയ ശൈലികളിൽ നിന്ന് മാറി ജനകീയ വിഷയങ്ങളിൽ ശ്രദ്ധ കേന്ദ്രീകരിക്കാനാണ് ആഗ്രഹിക്കുന്നത്.
ജൂലൈ മാസത്തോടെ ‘വി ദി ലീഡേഴ്സ്’ പൂർണ്ണതോതിലുള്ള രാഷ്ട്രീയ പാർട്ടിയായി മാറും. തമിഴ്നാട്ടിലെ യുവാക്കൾക്കിടയിൽ വർധിച്ചുവരുന്ന മയക്കുമരുന്ന് മാഫിയ ഉൾപ്പെടെയുള്ള സാമൂഹിക തിന്മകൾക്കെതിരെ താഴെത്തട്ടിൽ ശക്തമായ ജനകീയ പ്രസ്ഥാനം കെട്ടിപ്പടുക്കും. വിവേചനങ്ങളില്ലാത്ത, എല്ലാ മതങ്ങളെയും തുല്യമായി കാണുന്ന ഒരു രാഷ്ട്രീയ കാഴ്ചപ്പാടാണ് തന്റേതെന്ന് അദ്ദേഹം വ്യക്തമാക്കി.
Story Summary
Former Tamil Nadu BJP Chief K. Annamalai has officially announced plans to transform his new movement, ‘We the Leaders’, into a full-fledged political party by July 2026. After resigning from the BJP, Annamalai aims to bring fresh leadership, focus on grassroots issues like the growing drug menace, and implement political reforms such as term limits for politicians.
