ന്യൂഡൽഹി: യുഎഇയിലെ പ്രമുഖ എണ്ണ വ്യവസായ കേന്ദ്രമായ ഫുജൈറയ്ക്ക് നേരെ ഇറാൻ നടത്തിയ ഡ്രോൺ ആക്രമണത്തിൽ ഇന്ത്യ ശക്തമായ പ്രതിഷേധം രേഖപ്പെടുത്തി. ആക്രമണത്തിൽ മൂന്ന് ഇന്ത്യൻ പൗരന്മാർക്ക് പരിക്കേറ്റ സാഹചര്യത്തിലാണ് വിദേശകാര്യ മന്ത്രാലയം ഔദ്യോഗിക പ്രസ്താവന ഇറക്കിയത്.(India Protests Iran Attack UAE Fujairah Indians Injured 2026)
മേഖലയിലെ സാധാരണക്കാർക്കും വാണിജ്യ അടിസ്ഥാന സൗകര്യങ്ങൾക്കും നേരെയുള്ള ഇത്തരം ആക്രമണങ്ങൾ ഒരു തരത്തിലും അംഗീകരിക്കാനാവില്ലെന്ന് ഇന്ത്യ വ്യക്തമാക്കി. ഫുജൈറ ഓയിൽ ഇൻഡസ്ട്രി സോണിന് നേരെ ഉണ്ടായ ആക്രമണത്തിൽ പരിക്കേറ്റ മൂന്ന് ഇന്ത്യക്കാരും നിലവിൽ ചികിത്സയിലാണ്.
ഇവരുടെ ആരോഗ്യനില തൃപ്തികരമാണെന്നും അധികൃതർ അറിയിച്ചു. പരിക്കേറ്റവർക്ക് ആവശ്യമായ എല്ലാ സഹായങ്ങളും ഉറപ്പാക്കാൻ യുഎഇയിലെ ഇന്ത്യൻ എംബസിക്ക് വിദേശകാര്യ മന്ത്രാലയം നിർദ്ദേശം നൽകി.
Story Summary
India strongly condemned the Iranian drone attack on the Fujairah oil terminal in the UAE, which injured three Indian nationals. The Ministry of External Affairs called for peace and stressed the importance of secure maritime traffic in the Strait of Hormuz. While the injured Indians are reported to be stable, the escalation has led to heightened security and school closures in the UAE.
