ഹൈദരാബാദ്: ഭാര്യയുടെ അവിഹിതബന്ധത്തെത്തുടർന്നുണ്ടായ മാനസിക വിഷമത്തെത്തുടർന്ന് 36 വയസ്സുകാരനായ ഐടി ഉദ്യോഗസ്ഥൻ ജീവനൊടുക്കി. ഹൈദരാബാദിലെ ഹുസൈൻ സാഗർ തടാകത്തിൽ ഫെബ്രുവരി 9-നാണ് സീതാറാം റെഡ്ഡിയെ മരിച്ച നിലയിൽ കണ്ടെത്തിയത് (Hyderabad Techie Suicide). സംഭവത്തിൽ സീതാറാമിന്റെ ഭാര്യ രേണുകയെയും കാമുകൻ രമണ റെഡ്ഡിയെയും പോലീസ് അറസ്റ്റ് ചെയ്തു. സീതാറാമിന്റെ മരണത്തിന് പിന്നിൽ ഭാര്യയാണെന്ന് കുടുംബം ആരോപിച്ചതിനെത്തുടർന്നാണ് പോലീസ് വിശദമായ അന്വേഷണം നടത്തിയത്. രേണുകയ്ക്ക് വ്യവസായിയായ രമണ റെഡ്ഡിയുമായി അവിഹിതബന്ധമുണ്ടായിരുന്നുവെന്ന് അന്വേഷണത്തിൽ കണ്ടെത്തി.
ജനുവരിയിൽ രേണുക വീടുവിട്ടിറങ്ങിയതോടെ ദമ്പതികൾക്കിടയിൽ തർക്കം രൂക്ഷമായിരുന്നു. രേണുകയുടെ ചില സ്വകാര്യ ദൃശ്യങ്ങൾ സീതാറാമിന് ലഭിച്ചതായും ഇത് അദ്ദേഹത്തെ കടുത്ത മാനസിക സമ്മർദ്ദത്തിലാക്കിയെന്നും പിതാവ് വെങ്കിടേശ്വർ ആരോപിച്ചു. 2018-ലായിരുന്നു ഇവരുടെ വിവാഹം. ഏഴും അഞ്ചും വയസ്സുള്ള രണ്ട് കുട്ടികളുണ്ട് ഇവർക്ക്. ആത്മഹത്യാ പ്രേരണാക്കുറ്റം ചുമത്തി ഏപ്രിൽ 21-നാണ് രേണുകയെയും കാമുകനെയും പോലീസ് അറസ്റ്റ് ചെയ്തത്. ഇവരെ നിലവിൽ ജുഡീഷ്യൽ കസ്റ്റഡിയിൽ വിട്ടു.
Summary: S Seetharam Reddy, a 36-year-old techie, died by suicide in Hyderabad’s Hussain Sagar lake due to severe mental stress allegedly caused by his wife’s extramarital affair. Investigations revealed that his wife, Renuka, was involved with a businessman named Ramana Reddy, leading to frequent domestic disputes. Reddy’s family claimed that intimate videos and harassment pushed him to take the extreme step. Both Renuka and her lover were arrested on April 21 under charges of abetment to suicide.
