കേപ് ടൗൺ: ബോളിവുഡ് താരം ദീപിക പദുക്കോണും ഷാരൂഖ് ഖാനും വീണ്ടും ഒന്നിക്കുന്ന പുതിയ ചിത്രം ‘കിംഗ്’ സിനിമയുടെ ചിത്രീകരണ ചിത്രങ്ങൾ സോഷ്യൽ മീഡിയയിൽ തരംഗമാകുന്നു (Deepika Padukone Photos King Movie). ദക്ഷിണാഫ്രിക്കയിലെ കേപ് ടൗണിൽ വച്ചാണ് ഇരുവരും ഒന്നിച്ചുള്ള ഗാനരംഗങ്ങൾ ചിത്രീകരിക്കുന്നത്. രണ്ടാമത്തെ കുഞ്ഞിനായുള്ള കാത്തിരിപ്പിനിടയിലും സിനിമയിൽ സജീവമായ ദീപികയുടെ ചിത്രങ്ങൾ ആരാധകർ ഏറ്റെടുത്തു കഴിഞ്ഞു.
ഷാരൂഖ് ഖാനും ദീപികയും ഒന്നിക്കുന്ന ആറാമത്തെ ചിത്രമാണിത്. ഇതിന് മുൻപ് ഓം ശാന്തി ഓം, ചെന്നൈ എക്സ്പ്രസ്സ്, ഹാപ്പി ന്യൂ ഇയർ, പഠാൻ, ജവാൻ എന്നീ ചിത്രങ്ങളിൽ ഇരുവരും ഒന്നിച്ചിരുന്നു. കേപ് ടൗണിലെ ലൊക്കേഷനിൽ നിന്നുള്ള ദീപികയുടെയും ഷാരൂഖിന്റെയും ചിത്രങ്ങളാണ് വൈറലായിരിക്കുന്നത്. ദീപികയുടെ സൗന്ദര്യത്തെയും അറുപതാം വയസ്സിലും ഷാരൂഖിന്റെ ലുക്കിനെയും പ്രശംസിച്ച് നിരവധി ആരാധകർ രംഗത്തെത്തി. സിദ്ധാർത്ഥ് ആനന്ദ് സംവിധാനം ചെയ്യുന്ന ഈ ചിത്രം ഒരു ആക്ഷൻ ഡ്രാമയാണ്. ഷാരൂഖ് ഖാന്റെ മകൾ സുഹാന ഖാൻ, അഭിഷേക് ബച്ചൻ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. റെഡ് ചില്ലീസ് എന്റർടൈൻമെന്റും മാർഫ്ലിക്സ് പിക്ചേഴ്സും ചേർന്നാണ് ചിത്രം നിർമ്മിക്കുന്നത്.
എട്ട് മണിക്കൂർ ജോലി ഷിഫ്റ്റ് ഉൾപ്പെടെയുള്ള ആവശ്യങ്ങൾ ഉന്നയിച്ച് സന്ദീപ് റെഡ്ഡി വംഗയുടെ ‘സ്പിരിറ്റ്’, ‘കൽക്കി 2898 എഡി’യുടെ രണ്ടാം ഭാഗം എന്നിവയിൽ നിന്ന് ദീപിക പിന്മാറിയിരുന്നു. എന്നാൽ ‘കിംഗി’നായി താരം സജീവമായി രംഗത്തുണ്ട്.
Summary: Pregnant Deepika Padukone was spotted filming with Shah Rukh Khan for their upcoming movie ‘King’ in Cape Town, South Africa. This marks their sixth collaboration following blockbusters like Om Shanti Om and Pathaan. Viral images show the duo shooting for a song sequence, with fans praising their iconic chemistry. Directed by Siddharth Anand, the action drama also features Suhana Khan and Abhishek Bachchan in pivotal roles.
