വിനോദയാത്രയ്ക്കെത്തിയ അഞ്ച് കൗമാരക്കാർ ഉത്തർപ്രദേശിൽ നദിയിൽ മുങ്ങി മരിച്ചു
May 15, 2024, 10:19 IST
![മരണം](https://timeskerala.com/static/c1e/client/91214/uploaded_original/2a849d77b6c35fe440c688aa5c80effd.webp)
ലഖ്നൗ: വിനോദയാത്രയ്ക്കെത്തിയ അഞ്ച് കൗമാരക്കാർ ഉത്തർപ്രദേശിൽ നദിയിൽ മുങ്ങി മരണപ്പെട്ടു. ഉത്തർപ്രദേശിലെ ജലൗൺ ജില്ലയിലെ ബെത്വ നദിയിൽ വിനോദയാത്രയ്ക്ക് പോയവരാണ് കുളിക്കുന്നതിനിടയിൽ മുങ്ങിമരിച്ചത്. ജീവൻ നഷ്ടമായത് ആര്യൻ(16), അനുഭവ് ബുണ്ടേല (17), ശിവ(16), മഹേന്ദ്ര പ്രതാപ്(17), ഹേമന്ത് (17) എന്നിവർക്കാണ്. ഇവർ ഒരായ് കോട്വാലിയിലെ ബഗൗര പ്രദേശവാസികളാണ്. ഗ്രാമവാസികൾ വസ്ത്രങ്ങളും മോട്ടോർ സൈക്കിളും സ്കൂട്ടറും നദീതീരത്ത് കാണുകയും പോലീസിൽ വിവരമറിയിക്കുകയും ചെയ്യുകയായിരുന്നു.