പ്രഭാസ് നായകനാകുന്ന ബിഗ് ബജറ്റ് ഹൊറർ-ഫാന്റസി ചിത്രം 'രാജാസാബ്' ജനുവരി 9-ന് തീയേറ്ററുകളിൽ എത്താൻ ഒരുങ്ങുകയാണ്. ചിത്രത്തിലെ പ്രധാന കഥാപാത്രമായ അനിതയെ അവതരിപ്പിക്കുന്ന റിദ്ധി കുമാറിന്റെ (Riddhi Kumar) പുതിയ ക്യാരക്ടർ പോസ്റ്റർ അണിയറപ്രവർത്തകർ പുറത്തുവിട്ടിട്ടുണ്ട്. ഹൈദരാബാദിൽ നടന്ന പ്രീ-റിലീസ് ചടങ്ങിൽ സംസാരിക്കവെ, പ്രഭാസിന്റെ കരിയറിലെ ഏറ്റവും മികച്ച പ്രകടനങ്ങളിലൊന്ന് ഈ ചിത്രത്തിൽ കാണാമെന്നും ആരാധകർക്ക് അദ്ദേഹത്തോടുള്ള ഇഷ്ടം ഈ സിനിമയിലൂടെ ഇരട്ടിയാകുമെന്നും റിദ്ധി കുമാർ പറഞ്ഞു. മാരുതി സംവിധാനം ചെയ്യുന്ന ഈ ചിത്രം ഹൊററിനും ഫാന്റസിക്കുമൊപ്പം ഹാസ്യത്തിനും വലിയ പ്രാധാന്യം നൽകിയാണ് ഒരുക്കിയിരിക്കുന്നത്.
സഞ്ജയ് ദത്ത്, ബൊമൻ ഇറാനി, നിധി അഗർവാൾ, മാളവിക മോഹനൻ എന്നിവരുൾപ്പെടെയുള്ള വലിയ താരനിര അണിനിരക്കുന്ന ചിത്രത്തിൽ പ്രഭാസ് ഇരട്ടവേഷത്തിലാണ് എത്തുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. 'കൽക്കി 2898 എ.ഡി.' എന്ന ആഗോള ഹിറ്റിന് ശേഷം പുറത്തിറങ്ങുന്ന പ്രഭാസ് ചിത്രമായതിനാൽ വലിയ പ്രതീക്ഷയാണ് ആരാധകർക്കുള്ളത്. പീപ്പിൾ മീഡിയ ഫാക്ടറിയുടെ ബാനറിൽ ടി.ജി. വിശ്വപ്രസാദ് നിർമ്മിക്കുന്ന രാജാസാബ്, തെലുങ്ക്, തമിഴ്, മലയാളം ഉൾപ്പെടെ അഞ്ച് ഭാഷകളിലായി പാൻ-ഇന്ത്യൻ റിലീസായാണ് എത്തുന്നത്. തമൻ എസ് സംഗീതമൊരുക്കുന്ന ചിത്രത്തിന്റെ വിഎഫ്എക്സ് വിഭാഗം കൈകാര്യം ചെയ്യുന്നത് ബാഹുബലിയിലൂടെ ശ്രദ്ധേയനായ കമൽ കണ്ണനാണ്.
The makers of the much-anticipated horror-fantasy film 'The Raja Saab,' starring Prabhas and directed by Maruthi, have released a new character poster featuring Riddhi Kumar as 'Anita.' Set for a worldwide release on January 9, 2026, the film promises a unique blend of supernatural thrills, comedy, and high-octane action. With Prabhas reportedly appearing in a dual role and high-quality VFX by the Baahubali team, expectations are sky-high for this pan-Indian entertainer.