ന്യൂസ് ഡെസ്ക്: രാജ്യത്ത് തുടർച്ചയായി ഉണ്ടാകുന്ന ഇന്ധന വില വർധനവിൽ പ്രധാനമന്ത്രി നരേന്ദ്ര മോദിക്കെതിരെ കടുത്ത വിമർശനവുമായി കോൺഗ്രസ് രംഗത്തെത്തി (Congress Criticism PM Narendra Modi Fuel Rates). ലോകമെമ്പാടുമുള്ള സർക്കാരുകൾ തങ്ങളുടെ ജനങ്ങൾക്ക് ആശ്വാസം നൽകാൻ ശ്രമിക്കുമ്പോൾ, മോദി സർക്കാർ സ്വന്തം പൗരന്മാരെ കൊള്ളയടിക്കുന്ന തിരക്കിലാണെന്നും എണ്ണ കമ്പനികളുടെ ലാഭത്തിൽ മാത്രമാണ് പ്രധാനമന്ത്രിക്ക് ശ്രദ്ധയെന്നും കോൺഗ്രസ് കുറ്റപ്പെടുത്തി. ഒരു തവണയെങ്കിലും ജനങ്ങളുടെ ക്ഷമയെക്കുറിച്ച് ചിന്തിക്കാൻ പ്രധാനമന്ത്രി തയ്യാറാകണമെന്നും എത്ര കാലം ഇങ്ങനെ കോർപ്പറേറ്റുകളെയും മുതലാളിമാരെയും മാത്രം അനുകൂലിക്കുമെന്നും കോൺഗ്രസ് നേതൃത്വം ചോദിച്ചു.
രാജ്യത്ത് ഇന്ന് പെട്രോളിന് ലിറ്ററിന് 87 പൈസയും ഡീസലിന് 91 പൈസയുമാണ് വർധിപ്പിച്ചത്. കഴിഞ്ഞ പത്ത് ദിവസത്തിനിടെ ഇത് മൂന്നാം തവണയാണ് ഇന്ധന വില കൂട്ടുന്നത്. മെയ് 15-ന് പെട്രോളിനും ഡീസലിനും ലിറ്ററിന് മൂന്ന് രൂപ വീതം ഒറ്റയടിക്ക് വർധിപ്പിച്ചിരുന്നു. ഇതിന് പിന്നാലെ കഴിഞ്ഞ ദിവസവും പെട്രോളിന് 86 പൈസയും ഡീസലിന് 83 പൈസയും കൂട്ടിയിരുന്നു. വരും ദിവസങ്ങളിലും കൃത്യമായ ഇടവേളകളിൽ നേരിയ തോതിൽ നിരക്ക് വർധിപ്പിച്ച് ഇന്ധനവില ആകെ എട്ട് രൂപയോളം കൂട്ടാനാണ് എണ്ണ കമ്പനികൾ ലക്ഷ്യമിടുന്നത്. പശ്ചിമേഷ്യൻ രാജ്യങ്ങളിലെ സംഘർഷത്തെ തുടർന്ന് അന്താരാഷ്ട്ര വിപണിയിൽ അസംസ്കൃത എണ്ണയുടെ വില കുതിച്ചുയരുന്നതാണ് ഇന്ത്യൻ വിപണിയെയും ബാധിക്കുന്നത്.
Summary: The Congress party has launched a scathing attack on Prime Minister Narendra Modi over the continuous hike in fuel prices, alleging that the government is only focused on maximizing the profits of oil marketing companies. While global governments are providing relief to their citizens, the Modi government is busy exploiting its own people to favor corporate capitalists, the opposition party stated.
