ന്യൂഡൽഹി: ബി.ജെ.പി ദേശീയ വക്താവ് ഷെഹ്സാദ് പൂനാവാല സജീവ രാഷ്ട്രീയം ഉപേക്ഷിക്കുന്നുവെന്നും പാർട്ടി വിടുന്നുവെന്നുമുള്ള അഭ്യൂഹങ്ങൾ ശക്തമാകുന്നു. സോഷ്യൽ മീഡിയ പ്ലാറ്റ്ഫോമായ എക്സിലെ തന്റെ പ്രൊഫൈൽ ബയോയിൽ നിന്ന് ‘ബി.ജെ.പി ദേശീയ വക്താവ്’ എന്ന സ്ഥാനം നീക്കം ചെയ്തതാണ് രാഷ്ട്രീയ വൃത്തങ്ങളിൽ വലിയ ചർച്ചയാകുന്നത്.(BJP leader Shehzad Poonawalla sparked rumors of leaving active politics)
തന്റെ പുതുക്കിയ ബയോയുടെ സ്ക്രീൻഷോട്ട് പൂനാവാല തന്നെ പങ്കുവെച്ചിട്ടുണ്ട്. പ്രധാനമന്ത്രി നരേന്ദ്ര മോദിയുടെ ആജീവനാന്ത അനുഗാമി എന്നാണ് പുതിയ ബയോയിൽ കുറിച്ചിരിക്കുന്നത്. ബയോ തിരുത്തിയതിന് പിന്നാലെ സജീവ രാഷ്ട്രീയം ഉപേക്ഷിക്കുന്നതിനെക്കുറിച്ച് മുൻപ് പറഞ്ഞ അഭിമുഖങ്ങളുടെ ദൃശ്യങ്ങൾ പൂനാവാല വീണ്ടും പങ്കുവെച്ചു.
ജനങ്ങളെ സേവിക്കാൻ ജനപ്രതിനിധിയാകണമെന്നില്ലെന്നും സാമൂഹിക സേവനമാണ് രാഷ്ട്രീയത്തേക്കാൾ വലുതെന്നും അദ്ദേഹം വിഡിയോയിൽ പറയുന്നുണ്ട്. എക്സിൽ മാറ്റം വരുത്തിയെങ്കിലും അദ്ദേഹത്തിന്റെ ഇൻസ്റ്റാഗ്രാം അക്കൗണ്ടിൽ ഇപ്പോഴും ‘ബി.ജെ.പി ദേശീയ വക്താവ്’ എന്ന് തന്നെയാണ് നൽകിയിരിക്കുന്നത്.ബി.ജെ.പി വിടുന്നതിനെക്കുറിച്ചോ സജീവ രാഷ്ട്രീയം പൂർണ്ണമായി അവസാനിപ്പിക്കുന്നതിനെക്കുറിച്ചോ അദ്ദേഹം ഇതുവരെ ഔദ്യോഗികമായി പ്രഖ്യാപനം നടത്തിയിട്ടില്ല.
Story Summary
BJP leader Shehzad Poonawalla sparked rumors of leaving active politics after removing the ‘National Spokesperson, BJP’ title from his X profile bio and reposting old interviews discussing stepping away from party politics. However, no official confirmation has been made yet.
