പട്ന: ബീഹാറിൽ പ്രതിഷേധത്തിനിടെ വിദ്യാർത്ഥികൾക്ക് നേരെ എ.കെ-47 തോക്ക് ഉപയോഗിച്ച് വെടിവെച്ച പോലീസുകാരനെ സർവീസിൽ നിന്ന് സസ്പെൻഡ് ചെയ്തു. സിവാൻ ജില്ലയിലെ ജില്ലാ ഇന്റലിജൻസ് യൂണിറ്റിലെ കോൺസ്റ്റബിൾ അഭിഷേക് പട്ടേലിനെതിരെയാണ് നടപടി. ജൂലൈ 25-ന് നടന്ന സമരത്തിനിടെ പോലീസുകാരൻ എ.കെ-47 തോക്കിൽ നിന്ന് വെടിയുതിർക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെയാണ് ബീഹാർ പോലീസ് ആസ്ഥാനം ഇടപെട്ട് അടിയന്തര സസ്പെൻഷൻ ഉത്തരവിട്ടത്.(Bihar Police Constable Suspended AK47 Firing Student Protest Siwan)
നീറ്റ് പരീക്ഷാ തട്ടിപ്പുകൾക്കെതിരെയും വിദ്യാർത്ഥികൾക്ക് നേരെയുണ്ടായ പോലീസ് നടപടിക്കെതിരെയും വിവിധ സംഘടനകൾ ആഹ്വാനം ചെയ്ത സംസ്ഥാന വ്യാപക ബന്ദിനിടെയാണ് സിവാനിൽ കടുത്ത അക്രമ സംഭവങ്ങൾ അരങ്ങേറിയത്. പ്രതിഷേധക്കാർക്ക് നേരെ പോലീസ് കണ്ണീർവാതകവും ലാത്തിച്ചാർജ്ജും പ്രയോഗിക്കുകയും മുന്നറിയിപ്പ് വെടിയുതിർക്കുകയും ചെയ്തിരുന്നു.
സംഭവം വലിയ രാഷ്ട്രീയ വിവാദമായി മാറിയതോടെ പ്രതിപക്ഷ നേതാക്കൾ കേന്ദ്ര-സംസ്ഥാന സർക്കാരുകൾക്കെതിരെ ശക്തമായ വിമർശനവുമായി രംഗത്തെത്തി. വെടിവെപ്പിൽ പരിക്കേറ്റ് പട്നയിലെ ജയപ്രഭ മേദാന്ത ആശുപത്രിയിൽ ചികിത്സയിലുള്ള മൂന്ന് പേരുടെയും ആരോഗ്യനില നിലവിൽ തൃപ്തികരമാണെന്ന് അധികൃതർ അറിയിച്ചു.
Story Summary
A Bihar Police constable in Siwan district was suspended after a viral video showed him firing an AK-47 rifle during the July 25 student protests against the NEET exam leak. Following widespread political outrage from Opposition leader, police authorities ordered his suspension and initiated a detailed departmental inquiry into the incident.
