യാത്രക്കാരൻ നൽകിയ അധിക തുക (ടിപ്പ്) സ്വന്തം പോക്കറ്റിലിടാതെ, അത് അർഹരായ പാവപ്പെട്ടവർക്ക് നൽകിയ ഓട്ടോ ഡ്രൈവർ രാജേന്ദ്ര തെംറെയുടെ വീഡിയോ സമൂഹമാധ്യമങ്ങളിൽ വൈറലായി (Autorickshaw Driver Helping Needy). 50 രൂപ നിരക്കിൽ യാത്ര പൂർത്തിയാക്കിയ ശേഷം ഒരു യാത്രക്കാരൻ 100 രൂപ നൽകി. ഈ അധിക തുക തനിക്ക് ലഭിച്ച വലിയൊരു അനുഗ്രഹമായി കണ്ട രാജേന്ദ്ര, അത് മറ്റുള്ളവരെ സഹായിക്കാൻ ഉപയോഗിക്കുകയായിരുന്നു.
തുടർന്ന് റോഡരികിലൂടെ നടന്നുവന്ന വയോധികയെ ഓട്ടോയിൽ കയറ്റി ലക്ഷ്യസ്ഥാനത്തെത്തിക്കുകയും, ആ യാത്രക്കാരിൽ നിന്ന് പണം വാങ്ങാതെ തിരിച്ച് അവർക്ക് തന്നെ പണം നൽകുകയും ചെയ്തു. പിന്നീട് ദാഹിച്ചുവലഞ്ഞ മറ്റൊരു വൃദ്ധന് കുടിവെള്ളം നൽകി, ബാക്കി വന്ന തുകയിൽ നിന്ന് സഹായവും ചെയ്തു. ആകെ 20 രൂപ ചെലവഴിച്ച ഡ്രൈവർ, ബാക്കി 30 രൂപയും സമാനമായി മറ്റുള്ളവർക്ക് നൽകാനാണ് ഉദ്ദേശിക്കുന്നതെന്ന് വീഡിയോയിൽ പറയുന്നു. ഇതിനോടകം 1.5 ദശലക്ഷത്തിലധികം ആളുകളാണ് ഈ വീഡിയോ കണ്ടത്. ഡ്രൈവറുടെ നിഷ്കളങ്കമായ നന്മയെ അഭിനന്ദിച്ച് നിരവധി കമന്റുകളാണ് സോഷ്യൽ മീഡിയയിൽ നിറയുന്നത്.
Summary: Autorickshaw driver Rajendra Temre has won hearts online after a viral video showed him sharing a passenger’s tip with the needy instead of keeping it for himself. After receiving an extra ₹50 for a trip, Temre provided a free ride and financial assistance to an elderly woman and offered water and money to an elderly man, illustrating a beautiful act of kindness that has garnered over 1.5 million views.
