2024ല് ഇന്ത്യ ഭരിക്കുന്നത് ബിജെപി വിരുദ്ധ സഖ്യമായിരിക്കുമെന്ന് എം.കെ.സ്റ്റാലിന്
Sep 21, 2022, 10:32 IST
ചെന്നൈ: 2024ല് ഇന്ത്യ ഭരിക്കുന്നത് ബിജെപി വിരുദ്ധ സഖ്യമായിരിക്കുമെന്ന് തമിഴ്നാട് മുഖ്യമന്ത്രിയും ഡിഎംകെ അധ്യക്ഷനുമായ എം.കെ.സ്റ്റാലിന്.
പ്രധാന പ്രതിപക്ഷ പാര്ട്ടികളെല്ലാം ഒറ്റക്കെട്ടായി നിൽക്കും. ഇതിന്റെ ഭാഗമായി രാഹുല് ഗാന്ധി, നിതീഷ് കുമാര്, കെ.ചന്ദ്രശേഖര് റാവു, അരവിന്ദ് കെജ്രിവാള് തുടങ്ങിയ പ്രതിപക്ഷ നേതാക്കളുമായി ചര്ച്ച നടത്തിയെന്നും സ്റ്റാലിന് അറിയിച്ചു.
വിവിധ സംസ്ഥാനങ്ങളിലെ പ്രധാന പാര്ട്ടികള് ബിജെപിയെ നേരിടാന് ഒറ്റക്കെട്ടായി നില്ക്കുന്നത് ശുഭ സൂചനയാണെന്നും അദ്ദേഹം കൂട്ടിച്ചേർത്തു. സ്വകാര്യ തമിഴ് ചാനലിന് നല്കിയ അഭിമുഖത്തിലാണ് സ്റ്റാലിൻറ്റെ നിലപാട് വ്യക്തമാക്കിയത്.