ഇന്ത്യയിലേക്ക് രേഖകളില്ലാതെ കടക്കാൻ ശ്രമിച്ച 12 ശ്രീലങ്കൻ അഭയാർഥികൾ പിടിയിൽ
Sep 21, 2022, 10:18 IST
ചെന്നൈ: ഇന്ത്യയിലേക്ക് രേഖകളില്ലാതെ കടക്കാൻ ശ്രമിച്ച 12 ശ്രീലങ്കൻ അഭയാർഥികൾ പിടിയിൽ. രാമേശ്വരം തീരത്തിന് സമീപത്തുള്ള തുരുത്തിൽ നിന്ന് ചൊവാഴ്ച രാത്രിയിലാണ് ഇവരെ പിടികൂടിയത്.
അഭയാർഥികളെ രാമനാഥപുരം മണ്ഡപത്തെ അഭയാർഥി ക്യാന്പിലേക്ക് മാറ്റിയതായി അധികൃതർ അറിയിച്ചു.
കടുത്ത സാമ്പത്തിക പ്രതിസന്ധി തുടരുന്ന ലങ്കയിൽ നിന്ന് മറ്റു രാജ്യങ്ങിലേക്ക് ജനങ്ങൾ പാലായനം ചെയ്യുന്നത് തുടരുകയാണ്. ഇന്ത്യയിലേക്കും ഇന്ത്യ വഴി പാശ്ചാത്യ രാജ്യങ്ങളിലേക്കും കടക്കാൻ ശ്രമിക്കുന്നവരെ ചൂഷണം ചെയ്യുന്ന തട്ടിപ്പുസംഘങ്ങളും ഇപ്പോൾ സജീവമാണ്.