കൊച്ചി: തെന്നിന്ത്യൻ സിനിമാ ലോകത്ത് നിരവധി ആരാധകരുള്ള പ്രിയ താരദമ്പതികളാണ് ലേഡി സൂപ്പർസ്റ്റാർ നയൻതാരയും സംവിധായകൻ വിഘ്നേഷ് ശിവനും (Vignesh Shivan Instagram post Mammootty). തങ്ങളുടെ പ്രിയപ്പെട്ട കുടുംബവിശേഷങ്ങളും മക്കളായ ഉയിരിന്റെയും ഉലകിന്റെയും വിശേഷ നിമിഷങ്ങളുമെല്ലാം ഇവർ നിരന്തരം സമൂഹമാധ്യമങ്ങളിലൂടെ ആരാധകരുമായി പങ്കുവെക്കാറുണ്ട്.
ഇപ്പോഴിതാ വിഘ്നേഷ് ശിവൻ തന്റെ ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ പങ്കുവെച്ച ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ വൻതോതിൽ വൈറലാകുന്നത്. മലയാളത്തിന്റെ മഹാനടൻ മമ്മൂട്ടിയ്ക്കൊപ്പമുള്ള തങ്ങളുടെ ഇരട്ടക്കുട്ടികളുടെ ചിത്രമാണ് വിഘ്നേഷ് (വിക്കി) ഇൻസ്റ്റാഗ്രാമിൽ പോസ്റ്റ് ചെയ്തത്. മമ്മൂട്ടിയുടെ മടിയിലിരിക്കുന്ന ഉയിരിനോടും ഉലകിനോടും ഏറെ വാത്സല്യത്തോടെ ചിരിച്ചുകൊണ്ട് വിശേഷങ്ങൾ ചോദിച്ചറിയുന്ന മമ്മൂക്കയെയാണ് ചിത്രങ്ങളിൽ കാണാനാകുക. ലൈറ്റ് ബ്ലൂ നിറത്തിലുള്ള സ്റ്റൈലിഷ് ഷർട്ടും പാന്റും ധരിച്ച് അതീവ സുന്ദരനായാണ് മമ്മൂക്ക ചിത്രത്തിലുള്ളത്. ഇതിനോടകം തന്നെ ലക്ഷക്കണക്കിന് ആരാധകരാണ് വിക്കിയുടെ ഈ പോസ്റ്റിന് താഴെ ലൈക്കുകളും സ്നേഹം നിറഞ്ഞ കമന്റുകളുമായി എത്തിക്കൊണ്ടിരിക്കുന്നത്.
അതേസമയം, മലയാള സിനിമയിൽ മമ്മൂട്ടിയും നയൻതാരയും തമ്മിലുള്ള സ്ക്രീൻ കെമിസ്ട്രി എന്നും പ്രേക്ഷകർക്ക് പ്രിയപ്പെട്ടതാണ്. മുൻപ് സൂപ്പർ ഹിറ്റുകളായ ‘തസ്കരവീരൻ’, ‘ഭാസ്കർ ദ റാസ്കൽ’, ‘പുതിയ നിയമം’ എന്നീ ചിത്രങ്ങളിൽ ഇരുവരും ഒരുമിച്ച് അഭിനയിച്ച് ശ്രദ്ധ നേടിയിരുന്നു. ഏറെ നാളത്തെ ഇടവേളയ്ക്ക് ശേഷം അടുത്തിടെ പുറത്തിറങ്ങിയ തെന്നിന്ത്യൻ ചിത്രം ‘പേട്രിയറ്റ്’ (Patriot)-ലും ഇരുവരും പ്രധാന വേഷങ്ങളിൽ ഒന്നിച്ചെത്തിയിരുന്നു. ആ പഴയ ആത്മബന്ധം പുതുക്കുന്നതാണ് മമ്മൂക്കയ്ക്കൊപ്പമുള്ള കുട്ടികളുടെ ഈ പുതിയ ചിത്രങ്ങളെന്ന് സിനിമാ പ്രേമികൾ കുറിക്കുന്നു.
Story Summary:
South Indian celebrity couple Nayanthara and Vignesh Shivan shared adorable pictures of their twin sons, Uyir and Ulag, spending time with Malayalam megastar Mammootty. Vignesh Shivan posted the pictures on Instagram showing a stylish Mammootty interactions happily with the toddlers. Nayanthara and Mammootty share a long-standing professional bond, having starred together in hits like ‘Bhaskar the Rascal’, ‘Puthiya Niyamam’, and recently in ‘Patriot’.
