വിഎച്ച്എസ്ഇ പ്രവേശനം: അപേക്ഷ 16 മുതല്
May 10, 2024, 16:19 IST
തിരുവനന്തപുരം: വിഎച്ച്എസ്ഇ ഒന്നാം വര്ഷ പ്രവേശനത്തിനുള്ള അപേക്ഷകള് ഈ മാസം 16 മുതല് 25 വരെ സമര്പ്പിക്കാം. 29 ന് ട്രയല് അലോട്ട്മെന്റും ജൂണ് അഞ്ചിന് ആദ്യ അലോട്ട്മെന്റും നടക്കും. 24 ന് ക്ലാസുകള് ആരംഭിക്കും.
അതേസമയം എച്ച്എസ്എസ്, വിഎച്ച്എസ്ഇ പരീക്ഷകള്ക്ക് ഉപരിപഠന യോഗ്യത നേടാനാകാത്തവര്ക്കുള്ള സേവ് ഇയര് (സേ) പരീക്ഷയ്ക്കും മാര്ക്ക് മെച്ചപ്പെടുത്താനുള്ള ഇംപ്രൂവ്മെന്റ് പരീക്ഷയ്ക്കും 15 വരെ അപേക്ഷ സമർപ്പിക്കാവുന്നതാണ്. ജൂണ് 12 മുതല് 24 വരെയാണ് പരീക്ഷ നടക്കുക. സേ പരീക്ഷ മുഴുവന് വിഷയങ്ങളിലും എഴുതാം. എന്നാല് ഇംപ്രൂവ്മെന്റ് പരീക്ഷ ഒരു വിഷയത്തിലേ പറ്റൂ. ഉത്തരക്കടലാസ് പുനര്മൂല്യനിര്ണയം, സൂക്ഷ്മ പരിശോധന, പകര്പ്പെടുക്കല് എന്നിവയ്ക്ക് 14 വരെ അപേക്ഷ നല്കാം. സ്കൂള് വഴി ഫീസ് അടച്ചാണ് അപേക്ഷ നല്കേണ്ടത്.