പിക്-അപ് വാന് മറിഞ്ഞ് രണ്ടുപേര്ക്ക് ഗുരുതര പരിക്ക്
![പിക്-അപ് വാന് മറിഞ്ഞ് രണ്ടുപേര്ക്ക് ഗുരുതര പരിക്ക്](https://timeskerala.com/static/c1e/client/91214/uploaded/137bae607da60f9487b7928f751e4d1a.webp)
കാട്ടാക്കട: ഇരുമ്പ് പൈപ്പുകള് കയറ്റിവന്ന പിക്- അപ് വാന് നിയന്ത്രണംവിട്ട് മറിഞ്ഞ് ഡ്രൈവര് ഉൾപ്പെടെ രണ്ടുപേര്ക്ക് ഗുരുതര പരിക്ക്. വ്യഴാഴ്ച വൈകീട്ട് നാലോടെ ബാലരാമപുരം- കാട്ടാക്കട റോഡില് കണ്ടലക്ക് സമീപമാണ് അപകടം സംഭവിച്ചത്. നെയ്യാറ്റിന്കര ഭാഗത്തുനിന്ന് വന്ന പിക്- അപ് വാനാണ് അപകടത്തിൽപെട്ടത്. അമിതഭാരം കാരണം ചെറിയ വളവില് തെന്നി മറിഞ്ഞ വാഹനം മതിലിലിടിച്ച് നിൽക്കുകയായിരുന്നു. അപകടത്തിൽ വാഹനത്തിന്റെ മുന്വശം പൂര്ണമായി തകർന്നിട്ടുണ്ട്.
![](https://timeskerala.com/static/c1e/static/themes/16/91214/3752/images/New-Creative-.png)
കാട്ടാക്കടയില് നിന്നെത്തിയ അഗ്നിശമനസേന പ്രവര്ത്തകരാണ് വാഹനത്തിലുണ്ടായിരുന്ന രണ്ടുപേരെ പുറത്തെടുത്തത്. ഇരുവര്ക്കും കാലിന് ഗുരുതരമായി പരിക്കേറ്റിട്ടുണ്ട്. ഇവരെ മെഡിക്കല് കോളജ് ആശുപത്രിയില് പ്രവേശിപ്പിച്ചു.