സ്കൂട്ടറിലെത്തി മാല മോഷ്ടിക്കുന്ന രണ്ടുപേർ പിടിയിൽ
Feb 8, 2024, 21:56 IST
തൃപ്പൂണിത്തുറ: ഉദയംപേരൂർ കൊച്ചുപള്ളി ബി.എസ്.എൻ.എൽ റോഡിൽ സ്കൂട്ടറിലെത്തി സ്ത്രീയുടെ കഴുത്തിൽ നിന്ന് സ്വർണമാല കവർന്ന കേസിലെ പ്രതികൾ അറസ്റ്റിൽ. കോഴിക്കോട് താമരശ്ശേരി പുതുപ്പാടി പുത്തൻവീട്ടിൽ അനസ് (28), ഇടുക്കി ഉടുമ്പൻചോല വട്ടപ്പാറ ഇടയാടിക്കുഴിയിൽ ലാൽമോഹൻ (34) എന്നിവരെയാണ് അറസ്റ്റ് ചെയ്തത്. കൊച്ചുപള്ളി ബി.എസ്.എൻ.എൽ റോഡിലൂടെ മകനോടൊപ്പം സ്കൂട്ടറിൽ യാത്ര ചെയ്യുകയായിരുന്ന സ്ത്രീയുടെ മാലയാണ് പൊട്ടിച്ചത്. 2023 ഡിസംബർ 12നാണ് കേസിനാസ്പദമായ സംഭവം നടന്നത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.