ക്ഷേത്രത്തിലെ സ്റ്റോർ റൂമിൽ കവർച്ച നടത്തിയ പൂജാരി പിടിയിൽ
Tue, 14 Mar 2023
നെയ്യാറ്റിൻകര: ക്ഷേത്രത്തിൽ കവർച്ച നടത്തിയ പൂജാരി അറസ്റ്റിൽ. കരകുളം 8ാം കല്ല് അനിത ഭവനിൽ ഗോവിന്ദൻ പോറ്റി (50)ആണ് സ്റ്റോർ മുറിയിൽ സൂക്ഷിച്ചിരുന്ന സാധനങ്ങൾ മോഷ്ടിച്ചത്. കോട്ടയ്ക്കൽ പാലിയോട് ആഴാംകുളം ധർമ്മശാസ്താക്ഷേത്രത്തിലെ സ്റ്റോർ റൂമിൽ സൂക്ഷിച്ചിരുന്ന നിലവിളക്കുകൾ, ഉരുളികൾ, ചെമ്പ് പാത്രങ്ങൾ തുടങ്ങിയവയാണ് കവർന്നത്. കഴിഞ്ഞ മാസം ഇയാൾ ക്ഷേത്രത്തിൽ നിന്നും മാറിപ്പോയതിന് പിന്നാലെ പുതിയ ശാന്തിക്കാരൻ ചുമതലയേറ്റിരുന്നു. തുടർന്ന് സ്റ്റോർ റൂമിലെ കണക്കെടുപ്പ് നടത്തിയപ്പോഴാണ് മോഷണം വിവരം പുറത്തറിയുന്നത്. ക്ഷേത്രത്തിലെത്തുന്ന ഭക്തർ പൂജിക്കാനായി നൽകുന്ന സ്വർണ ഏലസുകളടക്കം ഇയാൾ തിരിച്ചു നൽകാത്തതിലും പരാതികളുയർന്നിരുന്നു.