കസ്റ്റഡിയിലെടുത്ത പ്രതി എസ്.ഐയുടെ മൂക്ക് തകർത്തു
![കസ്റ്റഡിയിലെടുത്ത പ്രതി എസ്.ഐയുടെ മൂക്ക് തകർത്തു](https://timeskerala.com/static/c1e/client/91214/uploaded/a7b7ed41cd8432df8a1196dd3523b54f.gif)
കാഞ്ഞങ്ങാട്: സ്കൂളിൽ ആക്രമണം നടത്തിയതിന് കസ്റ്റഡിയിലെടുത്ത പ്രതി എസ്.ഐയുടെ മൂക്ക് ഇടിച്ചുതകർത്തു. രാജപുരം എസ്.ഐ പി.കെ. സുനിൽ കുമാറിനാണ് (53) പരിക്കേറ്റത്. പൊലീസ് ഡ്രൈവർ വിനോദിനെ കൈയേറ്റം ചെയ്യുകയും ചെയ്തു. സംഭവത്തിൽ പനത്തടി ചാമുണ്ഡിക്കുന്ന് ഗാന്ധി പുരത്തെ പ്രമോദാണ് (40) അറസ്റ്റിലായത്. സാരമായി പരിക്കേറ്റ എസ്.ഐയെ ആശുപത്രിയിൽ പ്രവേശിപ്പിച്ചു. അറസ്റ്റ് ചെയ്ത പ്രതിയെ പിന്നീട് കോടതി റിമാൻഡ് ചെയ്തു.
![](https://timeskerala.com/static/c1e/static/themes/16/91214/3752/images/New-Creative-.png)
നാട്ടുകാരുടെ സഹായത്തോടെ കൂടുതൽ പൊലീസെത്തിയാണ് പ്രതിയെ കീഴ്പ്പെടുത്തിയത്. പ്രധാനാധ്യാപികയുടെ പരാതിയിൽ സ്കൂളിൽ ആക്രമണം നടത്തിയതിന് രാജപുരം പൊലീസ് കേസെടുത്തു. പ്രതിക്കെതിരെ മുമ്പും നിരവധി കേസുകളുണ്ട്. പ്രതി അംഗപരിമിതനാണ്.