ആശങ്ക!! സംസ്ഥാനത്ത് 76 പേർക്ക് കൂടി ഒമിക്രോൺ
Jan 12, 2022, 11:26 IST
തിരുവനന്തപുരം: സംസ്ഥാനത്ത് 76 പേർക്ക് കൂടി ഒമിക്രോൺ സ്ഥിരീകരിച്ചു. ഇതിൽ ഒമ്പതു പേർക്ക് സമ്പർക്കം വഴിയാണ് രോഗം ബാധിച്ചിരിക്കുന്നത് . 59 പേർ ലോ റിസ്ക് രാജ്യങ്ങളിൽനിന്നും ഏഴു പേർ ഹൈ റിസ്ക് രാജ്യങ്ങളിൽനിന്നും വന്നവരാണ്. കൂടാതെ തമിഴ്നാട്ടിൽനിന്നും വന്നയൊരാൾക്കും രോഗം സ്ഥിരീകരിച്ചു.ഇതോടെ സംസ്ഥാനത്തെ ഒമിക്രോൺ ബാധിതരുടെ ആകെ എണ്ണം 421 ആയി ഉയർന്നിട്ടുണ്ട് . തൃശൂര്‍ 15, പത്തനംതിട്ട 13, ആലപ്പുഴ 8, കണ്ണൂര്‍ 8, തിരുവനന്തപുരം 6, കോട്ടയം 6, മലപ്പുറം 6, കൊല്ലം 5. കോഴിക്കോട് 4, കാസര്‍ഗോഡ് 2, എറണാകുളം 1, വയനാട് 1 എന്നിങ്ങനെയാണ് ഒമിക്രോണ് സ്ഥിരീകരിച്ചത്.അതെസമയം പത്തനംതിട്ടയിലെ സ്വകാര്യ നഴ്സിംഗ് കോളജ് ഒമിക്രോൺ ക്ലസ്റ്ററായും പ്രഖ്യാപിച്ചു. കോളജിലെ 30 പേർക്കാണ് ഒമിക്രോൺ സ്ഥിരീകരിച്ചത്. ഇവിടങ്ങളിലെ കൂടുതൽ സാമ്പിളുകൾ പരിശോധനയ്ക്ക് അയയ്ക്കും.