തിരുവനന്തപുരം: മുഖ്യമന്ത്രി പിണറായി വിജയനും ഡോ. തോമസ് ഐസക്കും നടത്തിയ വിവാദ പരാമർശങ്ങളെ ന്യായീകരിച്ച് ടി.പി. രാമകൃഷ്ണൻ. മോശമായ നിലപാടുകൾ സ്വീകരിക്കുന്നവർക്കെതിരെ ചില സന്ദർഭങ്ങളിൽ അത്തരം പ്രയോഗങ്ങൾ നടത്തേണ്ടി വരുമെന്ന് അദ്ദേഹം പറഞ്ഞു. (Some actions will have to be taken, TP Ramakrishnan justifies controversial remarks)
തിരഞ്ഞെടുപ്പ് സംബന്ധിച്ച മറ്റ് പ്രധാന പ്രഖ്യാപനങ്ങളും അദ്ദേഹം നടത്തി. ഉന്നതവിദ്യാഭ്യാസമുള്ള സ്ത്രീകൾക്ക് തൊഴിൽ ഉറപ്പാക്കുമെന്ന പ്രധാന വാഗ്ദാനം ഇടതുമുന്നണിയുടെ തിരഞ്ഞെടുപ്പ് മാനിഫെസ്റ്റോയിൽ ഉണ്ടാകുമെന്ന് അദ്ദേഹം പറഞ്ഞു.
ഇത്തവണത്തെ നിയമസഭാ തിരഞ്ഞെടുപ്പിൽ 99-ൽ അധികം സീറ്റുകൾ നേടി ഇടതുമുന്നണി അധികാരം നിലനിർത്തുമെന്ന് ടി.പി. രാമകൃഷ്ണൻ അവകാശപ്പെട്ടു. തിരഞ്ഞെടുപ്പ് പ്രചാരണം നടക്കുമ്പോൾ നേതാക്കളുടെ പ്രസ്താവനകളെച്ചൊല്ലിയുള്ള വാക്പോര് സംസ്ഥാന രാഷ്ട്രീയത്തിൽ കൂടുതൽ ശക്തമാവുകയാണ്.
