മണ്ണ് ഖനനം: മൂന്നുപേർ അറസ്റ്റിൽ
Mar 19, 2023, 20:43 IST
പത്തനംതിട്ട: നിരന്തരം അനധികൃതമായി പച്ചമണ്ണ് ഖനനം നടത്തിയ കേസിൽ മൂന്നുപേർ അറസ്റ്റിൽ. മൂന്ന് വാഹനങ്ങൾ പിടിച്ചെടുത്തു. ഓപറേറ്റർ വടശ്ശേരിക്കര തലച്ചിറ ഏറം തെക്കുമല മോടിയിൽ വീട്ടിൽ രമേശ്‌ (62), ടിപ്പർ ഡ്രൈവർമാരായ സീതത്തോട് നീലിപിലാവ് കട്ടച്ചിറ അജയഭവനം വീട്ടിൽ അജയൻ (40), കുമ്പളാംപൊയ്ക നരിക്കുഴി രേവതി നിവാസിൽ ഷൈജു (44) എന്നിവരെയാണ് അറസ്റ്റ് ചെയ്തത്. മണ്ണുമാന്തിയും രണ്ട് ടിപ്പറുമാണ് ഡാൻസാഫ് സംഘവും മലയാലപ്പുഴ പൊലീസും ചേർന്ന് നടത്തിയ പരിശോധനയിൽ ശനിയാഴ്ച പുലർച്ച പിടികൂടിയത്. വടശ്ശേരിക്കര കുമ്പളാംപൊയ്കയിലെ തടിമില്ലിന് സമീപത്തെ സ്വകാര്യ വസ്തുവിൽ നിന്ന് മണ്ണ് നീക്കി ടിപ്പറുകളിൽ നിറച്ചുകൊണ്ടിരിക്കവെയാണ് ഡാൻസാഫ് സംഘമെത്തി വാഹനങ്ങൾ തടഞ്ഞത്.