തിരുവനന്തപുരം: വരാനിരിക്കുന്ന നിയമസഭാ തിരഞ്ഞെടുപ്പിൽ മത്സരിക്കാനില്ലെന്ന് ചെറിയാൻ ഫിലിപ്പ് വ്യക്തമാക്കി. ജയസാധ്യതയുള്ള സീറ്റ് നൽകാൻ പാർട്ടി നേതൃത്വം സന്നദ്ധത അറിയിച്ചിരുന്നെങ്കിലും, പ്രായം കണക്കിലെടുത്ത് സ്ഥാനാർത്ഥിയാകാൻ താനില്ലെന്ന് അദ്ദേഹം തന്റെ സോഷ്യൽ മീഡിയ പോസ്റ്റിലൂടെ അറിയിച്ചു.(No more contesting, says Congress leader Cherian Philip)
തിരഞ്ഞെടുപ്പ് രാഷ്ട്രീയത്തിൽ നിന്ന് വിട്ടുനിൽക്കുമെങ്കിലും കോൺഗ്രസ് രാഷ്ട്രീയത്തിൽ സജീവമായി തുടരുമെന്ന് അദ്ദേഹം വ്യക്തമാക്കി. "ശാന്തികവാടത്തിലെ വൈദ്യുത ശ്മശാനത്തിൽ എരിഞ്ഞടങ്ങുന്നത് വരെ കോൺഗ്രസിന്റെ സജീവ പ്രവർത്തകനായിരിക്കും" എന്ന് അദ്ദേഹം കുറിച്ചു.
പ്രായം എഴുപത് കഴിഞ്ഞെങ്കിലും ചിന്താശേഷിയിലും ഓർമ്മശക്തിയിലും യുവത്വം നിലനിൽക്കുന്നുണ്ട്. അതിനാൽ പാർട്ടി ഏൽപ്പിക്കുന്ന ഏത് ചുമതലയും ഉത്തരവാദിത്തത്തോടെ നിർവ്വഹിക്കുമെന്നും അദ്ദേഹം അറിയിച്ചു. ചെറിയാൻ ഫിലിപ്പിന്റെ പുതിയ നിലപാട് രാഷ്ട്രീയ വൃത്തങ്ങളിൽ ചർച്ചയായിട്ടുണ്ട്.