ലോറിക്കടിയില്‍പ്പെട്ട് ജോലി സ്ഥലത്തേക്ക് പോയ റെയില്‍വേ ജീവനക്കാരന്‍ മരിച്ചു
Updated: Jun 8, 2024, 14:45 IST
കോഴിക്കോട്: ജോലി സ്ഥലത്തേക്ക് പോകുന്ന വഴി വാഹനാപകടത്തില്‍ റെയില്‍വേ ജീവനക്കാരന്‍ മരിച്ചു. കോഴിക്കോട് ചോറോട് ചേന്ദമംഗലം തെരുവിലെ തിരുക്കുന്നന്‍ കേളോത്ത് ബാലചന്ദ്രന്റെ മകന്‍ സജീന്ദ്രന്‍(42) ആണ് അപകടത്തിൽ മരിച്ചത്. ശനിയാഴ്ച രാവിലെ 6.30ഓടെയാണ് അപകടം ഉണ്ടായത്.
ജോലിക്ക് പോകുന്നവഴി ദേശീയപാതയില്‍ മൂരാട് ഓയില്‍ മില്ലിന് അടുത്തായി സര്‍വീസ് റോഡില്‍ വെച്ച് ലോറിക്കടിയില്‍ കുടുങ്ങിപ്പോവുകയായിരുന്നു. തിക്കോടി റെയില്‍വേ സ്റ്റേഷന്‍ ട്രാഫിക് ജീവനക്കാരനായിരുന്നു. അമ്മ: പരേതയായ സാവിത്രി. ഭാര്യ: ശ്രുതി. മകന്‍: അഗ്‌നിവ്. സഹോദരി: സജിത.