കാസർഗോഡ്: കെഎസ്ആർടിസിയിലെ സൗജന്യ യാത്രാ സൗകര്യം സ്വകാര്യ ബസ് മേഖലയ്ക്ക് കനത്ത തിരിച്ചടിയായെന്ന് ചൂണ്ടിക്കാട്ടി ജില്ലയിൽ സ്വകാര്യ ബസുകൾ പണിമുടക്കുന്നു. ബസ് ഓപ്പറേറ്റേഴ്സ് ഫെഡറേഷന്റെയും തൊഴിലാളി സംഘടനകളുടെയും നേതൃത്വത്തിൽ ഒരു ദിവസത്തെ സൂചനാ സമരമാണ് നടക്കുന്നത്.(Private Bus Strike in Kasaragod Over KSRTC Free Travel Scheme)
കെഎസ്ആർടിസിയിൽ സ്ത്രീകൾക്ക് സൗജന്യ യാത്ര അനുവദിച്ചതോടെ സ്വകാര്യ ബസുകളുടെ വരുമാനം ഗണ്യമായി കുറഞ്ഞുവെന്നാണ് ഉടമകളുടെ പരാതി. ഡീസൽ ചെലവിനുള്ള വരുമാനം പോലും ലഭിക്കുന്നില്ലെന്നും അവർ ചൂണ്ടിക്കാട്ടുന്നു. സമരത്തിന്റെ ഭാഗമായി രാവിലെ 10.30-ന് ജില്ലാ കളക്ടറേറ്റിലേക്ക് മാർച്ചും ധർണയും സംഘടിപ്പിച്ചിട്ടുണ്ട്.
സൗജന്യ യാത്ര വിദ്യാർത്ഥികൾക്കും 65 വയസ്സിന് മുകളിലുള്ളവർക്കും മാത്രമായി പരിമിതപ്പെടുത്തുക. ബസുകൾക്ക് 50 ശതമാനം ഡീസൽ സബ്സിഡി അനുവദിക്കുക. റോഡ് നികുതി പൂർണമായും ഒഴിവാക്കുക. ഇന്റർസ്റ്റേറ്റ്, ടൗൺ-ടു-ടൗൺ ബസുകളിൽ സൗജന്യ യാത്ര നിർത്തലാക്കുക എന്നിവയാണ് ആവശ്യങ്ങൾ. ജില്ലയിലെ മുഴുവൻ സ്വകാര്യ ബസുകളും പണിമുടക്കിൽ പങ്കെടുക്കുന്നതിനാൽ യാത്രക്കാർ വലിയ ദുരിതത്തിലാണ്.
Story Summary
Private buses in Kasaragod district have launched a one-day strike, protesting against the revenue loss caused by the free travel scheme for women in KSRTC buses. The operators are demanding fuel subsidies, tax waivers, and restrictions on free travel, causing significant transport difficulties for commuters in several regions of the district.
