'ചുരുളി' പരിശോധിക്കാൻ പോലീസ്; സമിതിയെ നിയോഗിച്ചു
Jan 11, 2022, 12:10 IST
തിരുവനന്തപുരം: ലിജോ ജോസ് പല്ലിശേരി സംവിധാനം ചെയ്ത 'ചുരുളി' സിനിമയില്‍ നിയമലംഘനം നടന്നോയെന്ന് പരിശോധിക്കാന്‍ സമിതിയെ പോലീസ് നിയോഗിച്ചു. ഹൈക്കോടതി നിര്‍ദേശപ്രകാരമാണ് നടപടി. എഡിജിപി പദ്മകുമാറിന്‍റെ നേതൃത്വത്തിലുള്ള സമിതി ചിത്രം കണ്ട് പോലീസ് മേധാവിക്ക് റിപ്പോര്‍ട്ട് നല്‍കണം. രണ്ടാഴ്ചയ്ക്കുള്ളില്‍ റിപ്പോര്‍ട്ട് കൈമാറണമെന്നാണ് നിര്‍ദേശം. എസ്പിമാരായ ദിവ്യാ ഗോപിനാഥ്, എ.നസീം എന്നിവരും സമിതിയിലുണ്ട്.