ഓട്ടോയിൽ നിന്ന് ചാടിയ പ്ലസ് വൺ വിദ്യർഥികൾക്ക് പരിക്ക്: ഓട്ടോ ഡ്രൈവർ കസ്റ്റഡിയിൽ

auto
കാസര്‍കോട്: പ്ലസ് വണ്‍ പരീക്ഷയെഴുതാന്‍ പോയ രണ്ട്​ വിദ്യാര്‍ഥിനികള്‍ ഓട്ടോയില്‍ നിന്ന് ചാടി പരുക്കേറ്റ നിലയില്‍.ഇവരെ ആശുപത്രിയില്‍ പ്രവേശിപ്പിച്ചു.ചൊവ്വാഴ്​ച രാവിലെ ഒമ്ബതിന് പ്രസ് ക്ലബ് ജങ്​ഷനില്‍ നിന്ന് മേല്‍പറമ്ബ് ഭാഗത്തേക്ക് പോകാവേയാണ് സംഭവം. വിദ്യാര്‍ഥിനികള്‍ ചെമ്മനാട്ടേക്ക് പോകാനാണ് കയറിയത്.ചെമ്മനാട് എത്തിയപ്പോള്‍ ആവശ്യപ്പെട്ടിട്ടും നിര്‍ത്താത്തതിനെ തുടര്‍ന്ന് കുട്ടികള്‍ ഓട്ടോയില്‍നിന്ന് പുറത്തേക്ക് ചാടുകയായിരുന്നു. ഇരുവരെയും കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.അതേസമയം കുട്ടികള്‍ യൂനിഫോം ധരിക്കാത്തതിനാല്‍ മേല്‍പറമ്ബിലേക്കായിരിക്കുമെന്ന് കരുതിയാണ് ഓട്ടോ നിര്‍ത്താതിരുന്നതെന്ന് പൊലീസ് കസ്​റ്റഡിയിലുള്ള ഡ്രൈവര്‍ മൊഴി നല്‍കി.

Share this story