കണ്ണൂർ: പയ്യന്നൂർ സ്വദേശിയായ ഒന്നര വയസുകാരൻ ദേവാൻഷ് ശൗര്യയുടെ മരണത്തിൽ ചികിത്സാ പിഴവ് ആരോപിച്ച് കുടുംബം രംഗത്തെത്തിയതോടെ അന്വേഷണം ഊർജിതമാക്കി പോലീസ്. കുട്ടിക്ക് അനസ്തേഷ്യ നൽകിയ ഡോക്ടർക്ക് പുറമെ, പീഡിയാട്രീഷ്യൻ, പ്ലാസ്റ്റിക് സർജൻ എന്നിവർക്കെതിരെയും നിയമനടപടി സ്വീകരിക്കണമെന്നാണ് കുടുംബത്തിന്റെ പ്രധാന ആവശ്യം (Payyannur Toddler Death). മരണത്തിൽ മൂന്ന് ഡോക്ടർമാർക്ക് നേരിട്ട് ഉത്തരവാദിത്തമുണ്ടെന്നും, സംഭവത്തിൽ ആശുപത്രി മാനേജ്മെന്റിനെ കൂടി അന്വേഷണ പരിധിയിൽ കൊണ്ടുവരണമെന്നും കുടുംബം ആവശ്യപ്പെടുന്നു.
ചികിത്സാ രേഖകൾ ഉൾപ്പെടെയുള്ള നിർണായക വിവരങ്ങൾ മെഡിക്കൽ ബോർഡ് പരിശോധിച്ച ശേഷം തുടർ നടപടികളിലേക്ക് കടക്കാനാണ് അന്വേഷണ സംഘത്തിന്റെ തീരുമാനം. ഇതിന്റെ ഭാഗമായി ബന്ധപ്പെട്ട ഡോക്ടർമാരെ പോലീസ് ഉടൻ ചോദ്യം ചെയ്യും. ചികിത്സാ വേളയിൽ സംഭവിച്ച വീഴ്ചകളാണ് കുട്ടിയുടെ മരണത്തിലേക്ക് നയിച്ചതെന്നാണ് കുടുംബം ഉറപ്പിച്ചു പറയുന്നത്. മെഡിക്കൽ ബോർഡിന്റെ റിപ്പോർട്ട് ലഭിക്കുന്നതോടെ മരണകാരണം സംബന്ധിച്ച് കൂടുതൽ വ്യക്തത വരും. ആശുപത്രി അധികൃതരുടെ ഭാഗത്ത് നിന്ന് സംഭവിച്ച വീഴ്ചകൾ ഗൗരവകരമാണെന്നും നീതി ലഭിക്കുന്നത് വരെ പോരാട്ടം തുടരുമെന്നും കുടുംബാംഗങ്ങൾ വ്യക്തമാക്കി. നിലവിൽ കേസിൽ ശക്തമായ അന്വേഷണം നടക്കുകയാണെന്നും പോലീസും ഉറപ്പുനൽകുന്നു.
Summary: The family of 18-month-old Devanshu Shaurya, who died following surgery, has demanded action against three doctors—the anesthesiologist, pediatrician, and plastic surgeon—alleging medical negligence. Police have initiated a formal investigation, including the questioning of the medical team, and will proceed further after a thorough review of the medical records by a medical board.
