സംസ്കാര ചടങ്ങിന് എത്തിയവർക്കിടയിലേക്ക് കാർ പാഞ്ഞുകയറി ഒരാൾ മരിച്ചു
Jun 9, 2024, 07:17 IST
![സംസ്കാര ചടങ്ങിന് എത്തിയവർക്കിടയിലേക്ക് കാർ പാഞ്ഞുകയറി ഒരാൾ മരിച്ചു](https://timeskerala.com/static/c1e/client/91214/uploaded/09db405bb1f09c15414ba4197148c3a6.jpg)
ഇടുക്കി: സംസ്കാര ചടങ്ങിന് എത്തിയവർക്കിടയിലേക്ക് നിയന്ത്രണം വിട്ട വാഹനം പാഞ്ഞ് കയറിയുണ്ടായ അപകടത്തിൽ ഒരാൾ മരിച്ചു. ഇരട്ടയാർ ഉപ്പുകണ്ടത്ത് വൈകിട്ട് മൂന്നിനാണ് അപകടം സംഭവിച്ചത്. ഉപ്പുകണ്ടം നെല്ലംപുഴ സ്കറിയ (70) ആണ് മരിച്ചത്.
ഉപ്പുകണ്ടത്തിൽ മറിയയുടെ സംസ്കാര ചടങ്ങിനെത്തിയവരുടെ ഇടയിലേക്ക് ബൊലീറോ ജീപ്പ് പാഞ്ഞു കയറുകയായിരുന്നു. സ്കറിയയുടെ ദേഹത്ത് കൂടി വാഹനം കയറിയിറങ്ങി. പരിക്കേറ്റവർ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)
അപകടത്തിൽ രണ്ട് പേർക്ക് പരിക്കേറ്റിട്ടുണ്ട്. ആംബുലൻസ് ഡ്രൈവർ തറപ്പേൽ നിതിനും സംസ്കാര ചടങ്ങിനെത്തിയ മറ്റൊരാൾക്കുമാണ് പരിക്കേറ്റത്.