തിരുവനന്തപുരം: സ്വന്തം മുന്നണി സർക്കാരിനെതിരെ പരസ്യ വിമർശനവുമായി രംഗത്തെത്തിയ കെ.എസ്.യു സംസ്ഥാന അധ്യക്ഷൻ അലോഷ്യസ് സേവ്യറിന് പൂർണ്ണ പിന്തുണയുമായി ഡി.സി.സി അംഗം നിഖിൽ പൈലി. വി.ഡി സതീശന്റെ നേതൃത്വത്തിലുള്ള യു.ഡി.എഫ് സർക്കാരിന്റെ ചില സമീപനങ്ങൾക്കെതിരെ അലോഷ്യസ് ഉന്നയിച്ച വിമർശനങ്ങളിൽ ന്യായമുണ്ടെന്ന് നിഖിൽ പൈലി ഫേസ്ബുക്കിൽ കുറിച്ചു.(Nikhil Paily supports KSU president Aloysius Xavier against Satheesan government)
കെ എസ് യു പ്രസിഡന്റ് അലോഷ്യസ് സേവ്യറിനോട് നീരസം തോന്നിയിട്ടോ അയാളെ പൊങ്കാല ഇട്ടിട്ടോ കാര്യമില്ല അയാൾക്ക് പൂർണ്ണ ഐക്യദാർഢ്യം പ്രഖ്യാപിക്കുന്നു. അയാൾ പറയുന്നതിലും കാര്യമുണ്ട്. കഴിഞ്ഞ പത്ത് വർഷം വെള്ളം കോരിയവരും, വിറക് വെട്ടിയവരും, പോലീസിന്റെ തല്ല് വാങ്ങി കൂട്ടിയവരും, സമരങ്ങൾ നടത്തിയതിന്റെ പേരിൽ കോടതി കയറി ഇറങ്ങുന്നവരും പുറത്ത് നിൽക്കുമ്പോൾ സഖാക്കൾക്ക് യുഡിഫ് സർക്കാർ മാനേജ്മെന്റ് കോട്ടയിൽ സ്ഥാനങ്ങൾ കൊടുക്കുന്നുണ്ടേൽ അത് ചോദ്യം ചെയ്യുക തന്നെ ചെയ്യുമെന്നാണ് അദ്ദേഹം പറഞ്ഞത്.
സർക്കാരിന് തെറ്റ് പറ്റിയാൽ അത് തിരുത്തിക്കാൻ ആണ് അണികൾ, അണികൾ ഉണ്ടേൽ മാത്രമേ പാർട്ടി ഉള്ളൂ. അല്ലാതെ നേതാക്കൾ മാത്രം വെള്ള ഷർട്ട് ഇട്ട് നടന്നാൽ പാർട്ടി ഉണ്ടാകില്ല പാർട്ടി വളരില്ല. പത്ത് വർഷങ്ങൾ എൽ ഡി എഫ് സർക്കാരിന് വേണ്ടി പ്രവർത്തിച്ചവർ 1960 ൽ കെ എസ് യു ആയിരുന്നെന്ന് പറഞ് വന്നാൽ സ്ഥാനങ്ങൾ കൊടുക്കാൻ പറ്റില്ല. യുഡിഫിൽ അണികളെ ഉള്ളൂ അടിമകൾ ഇല്ലെന്ന് ഓർത്താൽ നല്ലത് എന്ന് പറഞ്ഞാണ് കുറിപ്പ് അവസാനിപ്പിക്കുന്നത്.
Story Summary
DCC member Nikhil Paily has extended his full solidarity to KSU State President Aloysius Xavier, who publicly criticized the VD Satheesan-led UDF government. Paily stated that the concerns raised by Aloysius are valid, questioning the government’s move to grant key positions to former LDF sympathizers while loyal party workers who struggled during the opposition years are being sidelined.
