കൊല്ലം: പൂയപ്പള്ളിയിൽ കാണാതായ യുവാവിനെ വിജനമായ പുരയിടത്തിലെ കിണറ്റിൽ മരിച്ച നിലയിൽ കണ്ടെത്തി. കരിങ്ങന്നൂർ സ്വദേശിയായ ചന്തുവാണ് മരണപ്പെട്ടത്. രണ്ട് ദിവസമായി ഇയാളെ കാണാനില്ലായിരുന്നു.(Missing Man Found Dead In Well Kollam Police Probe Unnatural Death)
ബന്ധുക്കളും നാട്ടുകാരും ചേർന്ന് നടത്തിയ വ്യാപകമായ തിരച്ചിലിനൊടുവിലാണ് മൃതദേഹം കണ്ടെത്തിയത്. തിങ്കളാഴ്ച രാവിലെ 9 മണിയോടെ തിരച്ചിലിനിടെ ചന്തുവിന്റെ വീടിന് സമീപത്തുള്ള പ്രദേശത്തെ ആൾത്താമസമില്ലാത്ത ഒരു വീടിന്റെ പരിസരത്ത് രക്തക്കറ ശ്രദ്ധയിൽപ്പെടുകയായിരുന്നു. തുടർന്ന് നടത്തിയ പരിശോധനയിലാണ് കിണറ്റിനുള്ളിൽ മൃതദേഹം കണ്ടത്. സംഭവത്തിൽ പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
Story Summary
A man named Chandu, who had been missing for two days from Karingannoor in Pooyappally, Kollam, was found dead inside a bush-covered well near an abandoned house. Bloodstains found nearby prompted locals to check the premise, following which Pooyappally police and fire force retrieved the body.
